түркийә: идлибтики уруш тохтитиш җәзмән давамлишиши керәк

түркийә дөләт мудапиә министири һулуси акар сүрийәниң идлиб районидики уруш тохтитишниң җәзмән давамлишиши керәкликини вә давамлаштурулушини билдүрди.

түркийә: идлибтики уруш тохтитиш җәзмән давамлишиши керәк

түркийә авази радийоси хәвири: афғанистанниң әнқәрә баш әлчиси абдул раһим сайәд җанниң саһибханлиқида, афғанистан мустәқиллиқиниң 99 йиллиқини хатириләш мунасивити билән әнқәрәдә хатириләш паалийити өткүзүлди.

дөләт мудапиә министири һулуси акар тәбрикләш паалийитидә қилған сөзидә, күнтәртипкә мунасивәтлик мәсилиләр үстидә тохталди. у астана мусаписи рамкисида қурулған уруш тохтитиш вәзийитиниң барлиқини әскәртип: «бу уруш тохтитиш вәзийитиниң җәзмән давам қилишини вә давамлаштурулушини тәләп қилимиз» деди.

уруш тохтитиш вәзийити сақлап қелинмиған вә районға һуҗум қилинғанда, болупму пуқраларниң вә кичик балиларниң көп җапа-мушәққәткә учришиниң ениқ икәнликини тәкитлиди. у мундақ деди:

«қуруқлуқ вә һавадин қилинған барлиқ һуҗумларниң балдуррақ тохтитилип, районда уруш тохтитиш вә муқимлиқниң капаләткә игә қилиниши әң күчлүк үмидимиз.»

һулуси акар химийәлик қоралларни өз ичигә алған түрлүк қораллар билән бигунаһ кишиләрниң өлтүрүлүшигә қарши икәнликлирини алаһидә тәкитләп, пәқәт муәййән бәзи террорлуқ тәшкилатлириғила әмәс, бәлки барлиқ террорлуқ тәшкилатлириға қарши икәнликлирини вә бу тәшкилатларға қарши күрәшни қәтий давамлаштуридиғанлиқлирини қәйт қилди.

у: «әл қаидәгә охшаш террорлуқ тәшкилатлирини өз ичигә алған фәтһуллаһчи террорлуқ тәшкилати, п к к|п й д|й п г, п җ а к, даешқа қаши күришимизни изчил вә әң ахирқи бир террорист йоқитилғичә давам қилиду» деди.



مۇناسىۋەتلىك خەۋەرلەر