türkiye liwiyee yüz bergen térrorluq hujumini eyiblidi

türkiye, liwiyening paytexti tirablustiki liwiye döletlik néfit orginigha qilinghan térrorluq hujumini eyiblidi.

türkiye liwiyee yüz bergen térrorluq hujumini eyiblidi

türkiye awazi radiyosi xewiri: türkiye jumhuriyiti tashqi ishlar ministirliqi yazma bayanat élan qilip, «liwiyening muqimliq we bayashatliqi nuqtisidin achquchluq ehmiyetke ige bir organgha qilinghan mezkur térrorluq qilmishini qattiq eyibleymiz» dédi.

trablustiki döletlik néfit orgini binasida tünügün meydangha kelgen térrorluq hujumida adem ölüsh we yarilinish ehwallirining körülgenlikidin qayghurush ichide xewer tépilghanliqi bildürülgen bayanatta, «hujumda hayatidin ayrilghanlargha allahtin rehmet tileymiz, dost liwiye hökümiti we qérindash liwiye xelqige teziye bildürimiz we yarilanghanlargha téz shipaliqlar tileymiz» dégen ibarilerge orun bérildi.

 liwiyening paytexti tirablustiki döletlik néfit orginigha qilinghan tünügünki qoralliq hujumda ikki neper xewpsizlik xadimi jénidin ayrilghan, 10 adem yarilanghanidi.



مۇناسىۋەتلىك خەۋەرلەر