чавушоғлу тәрәпләрни сүрийәдә мәсилини тинчлиқ билән һәл қилишқа чақирди

түркийә ташқи ишлар министири мәвлүт чавушоғлу сүрийә вәзийитиниң һәммигә мунасивәтлик икәнликини алаһидә тәкитләп, мәзкур мәсилидә охшаш пикиргә игә дөләтләр билән бирликтә тиришчанлиқ көрситиватқанлиқлирини ейтти.

чавушоғлу тәрәпләрни сүрийәдә мәсилини тинчлиқ билән һәл қилишқа чақирди

түркийә авази радийоси хәвири: мәвлүт чавушоғлу руменийә пайтәхти бухарестта өткүзүлгән түркийә-руменийә-полша ташқи ишлар министирлири йиғинидин кейин, руменийә ташқи ишлар министири тейодор мелескану вә полша ташқи ишлар министири җаҗек җзапутовиҗз билән бирликтә ахбарат елан қилиш йиғини өткүзди.

у идлибқа бәшшар әсәд һакимийити билән русийәниң тохтимай һуҗум қиливатқанлиқини әскәртип: «тәклипимиз наһайити ениқ. идлибтики һуҗумлар тохтисун, террорлуқ гуруппилириниң мәвҗудийитини йоқитиш үчүн бирликтә тиришишимиз керәк» деди.

у сөзини мундақ давамлаштурди:

«сүрийәдә әң йахши һәл қилиш чариси болған <сийасий йол> ға йетиштә муһим илгириләшләрни қолға кәлтүрәлмисәк, бәшшар әсәд һакимийити билән униң қоллиғучилири һәрбий чаригә ишиниду. астана билән сочида зор тиришчанлиқларни көрсәткән болсақму, теһранда қирғинчилиқниң алдини елиш үчүн бир йәргә җәм болған болсақму, әпсуски бәшшар әсәдниң һуҗумлири давам қиливатиду. немә үчүн шунчивала көп пуқраларни, айаллар вә кичик балиларни өлтүрүш керәк? шуңа бу мәсилидә бирликтә тиришчанлиқ көрситишимиз керәк.»

у русийә, иран, америка, фирансийә вә әнглийәдин башқа сүрийәдә башқа һәмраһлар биләнму бирликтә тиришчанлиқ көрситишикә тәййар икәнликлирини тәкитлиди. у түркийә болуш сүпитиидә, сүрийә вәзийитиниң ахирлишиши вә мәсилиләрниң тинчлиқ усулда һәл қилиниши үчүн русийәни өз ичигә алған һалда иран қатарлиқ дөләтләр билән көп тәрәплик тиришчанлиқларни көрситиватқанлиқини қәйт қилди.

у сүрийәниң земин пүтүнлүкини қоллайдиғанлиқлирини әскәртип, мундақ деди:

«бирақ, бигунаһ кишиләрни, айаллар вә кичик балиларни қирғин қилиш, земин пүтүнлүкини қоғдашниң усули әмәс. барлиқ тәрәпләргә бәшшар әсәд һакимийитиниң һуҗумлириға қарши авазини йуқири көтүрүшкә, мәсилигә тинчлиқ йоли билән чарә тепишқа чақиримән.»



مۇناسىۋەتلىك خەۋەرلەر