йапонийә ханиши ататүрк хатирә сарийиини кәзди

йапонийә ханиши акико микаса җумһурийәтниң қурғучиси мустафа камал атүркниң җәсити болған ататүрк хатирә сарийини кәзди.

йапонийә ханиши ататүрк хатирә сарийиини кәзди

түркийә авази радийоси хәвири: түркийәдә зийарәттә боливатқан йапонийә ханиши акико микаса җумһурийәтниң қурғучиси мустафа камал атүркниң җәсити болған ататүрк хатирә сарийини кәзди.

ханиш акико арқидин түрк-йапон мәдәнийәт мәркизини екскурсийә қилди.

акико атиси такахикониң вәқписигә тәвә бағчиға 1993-тикилгән дәрәхниң қешидики йәргә түрк-йайон вәқписи мәдәнийәт мәркизиниң қурулғанлиқиниң 20-йиллиқи мунасивити билән хатирә көчити тикти.

«хан микаса вәқписи»ниң сабанҗи университети сакиб сабанҗи музейида өткүзүлидиған паалийәткә иштирак қилиш мәқситидә түркийәгә кәлгән ханиш, түрк-йапон вәқписиниң тәшкилий һәйәт әзалири вә оқуғучилар биләнму көрүшти.

вәқпә зийаритидин кейин киршәһиргә баридиған ханиш акико микаса, каман каләһөйүктики йапон анадолу архиологийә иниститутини екскурсийә қилиду.

түркийәгә түнүгүн кәлгән ханиш акико, җумһур рәис рәҗәп таййип әрдоған тәрипидин ситанбулдики йилдиз сарийи мабәйн сарийида қобул қилинғаниди.

түркийә бүйүк милләт мәҗлиси башлиқи бинали йилдирим биләнму көрүшидиған ханиш акикониң түркийә зийарити 14-сентәбиргичә давамлишиду.



مۇناسىۋەتلىك خەۋەرلەر