җумһур рәис рәҗәп таййип әрдоған әскәрләрниң қурбан һейтини тәбриклиди
җумһур рәис рәҗәп тайиип әрдоған ширнактики като теғи тузҗуҗа һәрбий базисидики әскәрләрниң қурбан һейтини тәбриклиди.
түркийә авази радийоси хәвири: җумһур рәис рәҗәп таййип әрдоған ички ишлар министири сулайман сойлу ширнактики като теғи тузлуҗа һәрбий базисини екскурсийә қиливатқанда телефон арқилиқ әскәрләрниң қурбан һейтини тәбриклиди.
ширнактики һәрбий базини екскурсийә қилған министир сойлу, муавин ички ишлар министири мәһмәт әрсой, жандарма қомандани генерал ариф чәтин, ширнак валийси мәһмәт акташ қатарлиқ шәхсләр билән бәйтушәбаб наһийәсидин тикучар билән като теғидики тузлуҗа һәрбий базисиға кәлди.
базида қурбанлиқ қилинғандин кейин сулайман сойлу, әскәрләрниң һейтини тәбрикләп улар билән бирликтә нашта қилди.
нашта әснасида минситир сойлу җумһур рәис рәҗәп таййип әрдоғанға телефон қилди. җумһур рәис рәҗәп таййип әрдоған министир сойлуниң телефони билән әскәрләрниң қурбан һейтини тәбриклди.
әрдоған телефонда әскәрләргә мундақ деди: «алди билән силәрниң қурбан һейтиңларни қизғин тәбрикләймән, улуғ рәббим бизни техиму көп һейтларни өткүзүшкә вә техиму көп ғәлбиләрни қолға кәлтүрүшкә несип қилсун, аллаһтин шеһитлиримизға рәһмәт, ғазилиримизға шипалиқ тиләймән. аллаһ силәргә йардәм қилғай, келәчикимиз ғәлибиләр билән толғай, вәтинимизни һечким парчилийалмайду, миллитимиз техиму аманлиқ вә хатирҗәмлик ичидә болиду. һейтиңларни йәнә бир қетим тәбрикләймән.»
