қатар әмириниң түркийә һәққидә тивиттерда елан қилған учури һәмминиң диққитини тартти

қатар әмири алсаниниң иҗтимаий таратқудики учурини җумһур рәис рәҗәп таййип әрдоған вә ташқи ишлар министири мәвлүт чавушоғлуму һәмбәһирләшти.

қатар әмириниң түркийә һәққидә тивиттерда елан қилған учури һәмминиң диққитини тартти

 

түркийә авази радийоси хәвири: қатар әмири шәйих тәмим бин һамид ал сани үммәтниң мәсилилиригә вә қатарға көңүл бөлгән түркийәниң шундақла түрк қериндашлириниң йенида болушни давамлаштуридиғанлиқини җакарлиди.

қатар әмири әл сани иҗтимаий таратқу һесабида елан қилған байанатида түркийәни қоллап - қуввәтләйдиғанлиқини йәнә бир қетим тәкитлиди.

ал сани тивиттерда һәмбәһирләшкән учурида, «үммәтниң мәсилилиригә вә қатарға көңүл бөлүп кәлгән түркийәниң шундақла түркийәдики қериндашлиримизниң йенида болимиз. бүгүн (түнүгүнни демәкчи) һөрмәтлик җумһур рәис рәҗәп таййип әрдоған билән әнқәрәдә елип барған муһим учришишлар даирисидә, исләпчиқириш иқтидари үстүн, қудрәтлик вә мустәһәм түркийәгә 15 милйард долларлиқ селинма лайиһәсини елан қилдуқ» деди.

алсаниниң иҗтимаий таратқудики бу учури җумһур рәис рәҗәп таййип әрдоған вә ташқи ишлар министири мәвлүт чавушоғлу тәрипидинму тәкрар һәмбәһирлишилди.

әрдоған билән алсани түнүгүн әнқәрәдә җумһур рәислик сарийида учришиш елип барған иди.

учришишта қатар түркийәгә 15 милйард доллар мәбләғ селиш пиланини тиздин ишқа ашуридиғанлиқини билдүргән иди. 

 



مۇناسىۋەتلىك خەۋەرلەر