yene bir türküm térrorchilar ujuqturuldi

térrorizmgha qarshi dölet ichi – sirtida paal heriketlerni élip bériwatqan türkiye xewpsizlik küchliri, shimaliy iraqta hawadin zerbe bérish herikiti élip bérip, 5 térrorchini ujuqturdi.

yene bir türküm térrorchilar ujuqturuldi

türkiye awazi radiyosi xewiri: türkiye armiyesi bayanat élan qilip, iraqning shimalidiki xakurk rayonida élip bérilghan hawadin zerbe bérish herikitide bölgünchi térrorluq teshkilati p k k ning 5 ezasining bir terep qilinghanliqini uqturdi.

türkiye armiyesi yene, yéqinqi bir heptilik térrorizmgha qarshi küreshke alaqidar sanliq melumatlarnimu élan qilip, 4 nepiri atalmish rehberlik apparatidin bolup jemiy 39 térrorchining ujuqturulghanliqini؛ köp miqdarda qoral, oq – dora we partlatquchlarning qolgha chüshürülgenlikini؛ bu dairide, térrorchilarning iraqning shimalidiki panahlinish orunliri, öngkürler we istihkamliriningmu yoqitip tashlanghanliqini bildürdi.

xewpsizlik küchlirining diyarbakirning kojaköy taghliq rayonida élip barghan zerbe bérish herikiti jeryanida 2 térrorchining ujuqturulghanliqi, bulardin birining teshkilatning atalmish rayon mesulliridin «shahin» texellusluq ahmet dorak ikenliki bildürüldi.


خەتكۈچ: iraq , türkiye , p k k , térrorchi

مۇناسىۋەتلىك خەۋەرلەر