émbargolarning choqum bedili bolidu

türkiye amérika émbargolirining choqum bedili bolidighanliqini élan qildi.

émbargolarning choqum bedili bolidu

türkiye awazi radiyosi xewiri:  türkiye tashqi ishlar ministirliqi bayanatchisi hami aksoy amérika pirézidénti donald trampning türkiyening amérikagha qilidighan alyumin we polat mehsulatliridin qoshumche baj élish toghrisida hembehirligen twittér uchurigha munasiwetlik yazma bayanat élan qildi.

pirézidént trampning dunya soda teshkilatining belgilimilirini nezerge ilmay, türkiyening alyumin we polat mehsulatliridin qoshumche baj élish qararini döletning estayidilliqigha mas kelmeydighanliqini eskertken aksoy: «amérika bu xildiki émbargo we bésimlar bilen hemkarlishish toghrisida héchqandaq netijige érishelmeydighanliqini, peqet qattiq sinaqlardin ötüp, qolgha keltürülgen ittipaqdashliq munasiwetlirimizge ziyan salidighanliqini bilishi kérek» dédi.

u türkiyege qarshi bésilghan barliq qedemlerge bügüngiche qilip kelgendek, bundin kéyinmu kéreklik jawablarning bérilidighanliqini tekitlidi.

u türkiyening her qachan mesililerning diplomatiye, diyalog, yaxshi niyet we özara chüshinish arqiliq hel qilinishini qollaydighanliqini bildürdi.



مۇناسىۋەتلىك خەۋەرلەر