ембарголарниң чоқум бәдили болиду

түркийә америка ембарголириниң чоқум бәдили болидиғанлиқини елан қилди.

ембарголарниң чоқум бәдили болиду

түркийә авази радийоси хәвири:  түркийә ташқи ишлар министирлиқи байанатчиси һами аксой америка пирезиденти доналд трампниң түркийәниң америкаға қилидиған алйумин вә полат мәһсулатлиридин қошумчә баҗ елиш тоғрисида һәмбәһирлигән твиттер учуриға мунасивәтлик йазма байанат елан қилди.

пирезидент трампниң дунйа сода тәшкилатиниң бәлгилимилирини нәзәргә илмай, түркийәниң алйумин вә полат мәһсулатлиридин қошумчә баҗ елиш қарарини дөләтниң әстайидиллиқиға мас кәлмәйдиғанлиқини әскәрткән аксой: «америка бу хилдики ембарго вә бесимлар билән һәмкарлишиш тоғрисида һечқандақ нәтиҗигә еришәлмәйдиғанлиқини, пәқәт қаттиқ синақлардин өтүп, қолға кәлтүрүлгән иттипақдашлиқ мунасивәтлиримизгә зийан салидиғанлиқини билиши керәк» деди.

у түркийәгә қарши бесилған барлиқ қәдәмләргә бүгүнгичә қилип кәлгәндәк, бундин кейинму керәклик җавабларниң берилидиғанлиқини тәкитлиди.

у түркийәниң һәр қачан мәсилиләрниң дипломатийә, дийалог, йахши нийәт вә өзара чүшиниш арқилиқ һәл қилинишини қоллайдиғанлиқини билдүрди.



مۇناسىۋەتلىك خەۋەرلەر