erdoghan dollar heqqide chaqiriq élan qildi

jumhur reis rejep tayyip erdoghan türkiye xelqini dollar sétishqa chaqiriq qildi.

erdoghan dollar heqqide chaqiriq élan qildi

 

türkiye awazi radiyosi xewiri: jumhur reis rejep tayyip erdoghan bayburtta qilghan sözide, chet el péréwoti bahasidiki chayqilishlar üstide toxtaldi. 

u mundaq dédi:

«dollar mollar bizning yolimizni tosup qalalmaydu. hergiz endishilenmenglar. yastuq astida saqlawatqan dolliri, yawrosi we altuni bar kishiler derhal bankilirimizgha bérip, uni liragha almashturunglar. bu bir yerlik we milliy küreshtur. bu dölitimizge qarshi iqtisadi urush élan qilghanlargha millitimning qayturghan jawabi bolidu. bezi döletler türkiyege munasiwetlik barliq mesililerde herbi siyasiy özgirish qozghughuchilarni qoghdash, térrorchilarni baghrigha bésish, heq - hoquq we qanun tonimasliq pozitsiyeside bolushmaqta. iqtisadimizda yéqinqi künlerdin buyan körülgen selibiyliklermu bu azghunluqning perqliq sheklidur»

erdoghan yene mundaq dédi:

«barliq selibiyliklerge qarshi teyyarliqimiz bar. chet el péréwotigha, ösümlerge we tehditlerge qarap, xoshal bolup kétiwatqanlar békar zoqlinip kétishmisun. türkiyemizning ne mékro iqtisad istatistékisida, ne ishlepchiqirish küchide, ner xizmetke orunlashturush nisbitide, ne bankichiliq sistémisida qilche mesile yoq turughluq, suniy maliye muqimsizliqigha duch kelmektimiz. tolimu addi bir türküm pikir oxshimasliqiliri üstige shekillendürülgen hujumlarning sewebining téximu bashqa ikenliki otturida turuptu. bu xil pozitsiyelerde bolghan döletler bilen otturimizdiki munasiwetler, ornini tolduruwilish mumkin bolmaydighan derijide ziyanliq nuqtigha kélip qaldi. shuninggha ishininglarki, kichik hésablarni dep türkiyeni qoldin bérip qoyushqimu pisent qilmaydighanlar ete choqum qattiq pushaymanda qalidu»

erdoghan héchqandaq döletke qarshi xususiy adawiti yoqluqini tekitlep, «barliq döletler bilen menpeetlerimiz maslashqan nuqtilarda hemkarliq ornitimiz. menpeetlirimiz ayrilghan nuqtilardimu mesililirimizni muzakire yoli bilen hel qilishqa tirishimiz. biraq mesile türkiyeni bulunggha qistap, musteqilliq hoquqimizgha dexli yetküzidighan bir qisim muresselishishlerge zorlashqa kelgende bolsa, ish pütünley özgiridu. eyibke buyrimisunlar, bundaq chaghda biz héch kishige <xosh ghojika> déyelmeymiz» dédi.

jumhur reis rejep tayyip erdoghan axirida yene, «tanka, ayropilan, top we oqtin qorqmighan bu millet bu xil tehditlerdin qorqup qalarmu?! bundaq xiyalda bolghanlar bu milletni téxi tonimighanlardur. irandin rusiyegiche we xitaydin yawropadiki bezi döletlergiche bashqiche tallashlarni yaritish jehette muhim musapilerni bésip bolghan ehwaldimiz» dédi.


خەتكۈچ: hujum , dollar , erdoghan

مۇناسىۋەتلىك خەۋەرلەر