türkiyening yerlik uchquchisiz hawa apparatliri

«mudapiede milliy layiheler» namliq sehipimizning bu heptilik sanida, türk xewer – ish uyushmisi maarip ishliri mudiri tariq sezginning «türkiyening yerlik hujumchi uchquchisiz hawa apparatliri» mawzuluq maqalisini huzurunglargha sunimiz.

türkiyening yerlik uchquchisiz hawa apparatliri

türkiyening yerlik uchquchisiz hawa apparatliri

türkiye awazi radiyosi: türkiye, térrorizmgha qarshi küreshte hujumchi rolni üstige alalaydighan uchquchisiz hawa apparatlirini amérika qoshma ishtatliridin sétiwélishni xalisimu amérika bermey kéliwatatti. türkiye nöwette tunji milliy hujumchi uchquchisiz hawa apparatliri alpagu bilen karguni we közetküchi uchquchisiz hawa apparati toganni yasap chiqip ishlitishke bashlidi.

türkiye yéqinqi yillarda mudapie saheside ishlepchiqarghan yéngi milliy mehsulatliri bilen diqqetni tartmaqta. kinochiliq saheside hawadin süretke élish kamérasini élip yürüsh rolini ötewatqan «uchquchisiz hawa apparatliri» nöwette köpligen sahelerde ishlitilmekte. bu dairide térrorizmgha qarshi küreshte nahayiti muhim üstünlükke ige bolghan uchquchisiz hawa apparatlirini yerlik imkaniyetlirimizge tayinip ishlepchiqarmaqtimiz. türkiye, térrorizmgha qarshi küreshte hujumchi rolni üstige alalaydighan uchquchisiz hawa apparatlirini amérika qoshma ishtatliridin sétiwélishni telep qilghan bolsimu amérika bermidi. amérika qoshma ishtatlirining térrorizmgha qarshi küreshtiki paalliqni ashuridighan bu mehsulatlarni istratégiyelik shériki bolghan türkiyege sétip bermesliki ademni heyran qalduratti. lékin, dölitimiz bu ehwalni pursetke aylandurup, yerlik uchquchisiz hawa apparatlirini ishlepchiqirip ishlitishke bashlidi. türkiye milliy mehsulatini öz emgek küchi we yerlik imkaniyetlirige tayinip yürüshleshtürüp ishlepchiqirishqa bashlidi. oxshash bolmighan döletlerning bu mehsulatlarni sétiwélishni telep qilishqa bashlishi, türkiyening bu jehette ghelibe qazanghanliqining roshen alametlirining biri hésablinidu. türkiye nöwette dunyadiki «hujumchi uchquchisiz hawa apparati» ishlepchiqiralaydighan üch döletning birige aylandi.

türkiye uchquchisiz hawa apparatliri téxnologiyeside muhim bir nuqtigha yetti. türkiyening asmandiki yéngi eskerliri, dep teripliniwatqan «qoralliq hujumchi uchquchisiz hawa apparatliri» ni yürüshleshtürüp ishlepchiqirish we xewpsizlik küchlirining ishlitilishige tapshurush bashlandi. mudapie téxnologiyeliri inzhénérliq we soda hessidarliq shirkiti teripidin milliy qoral süpitide ishlepchiqirilghan taktikiliq urush qabiliyitige ige tewrenmes qanatliq uchquchisiz hawa apparati -alpargu, aylanma qanatliq zerbe bérish iqtidarigha ige uchquchisiz hawa apparati – kargu, we aylanma qanatliq charlash uchquchisiz hawa apparati sistémisi- togandin ibaret üch uchquchisiz hawa apparati toghrisida toxtilip öteyli. mudapie téxnologiyeliri inzhénérliq we soda hessidarliq shirkiti, türkiye armiyesi we mudapie sanaiti meslihetchilik orginigha sistéma inzhénérliqi, téxnikiliq yardem, layihe bashqurush, téxnologiye yötkesh dégendek wezipilerni ada qilishi üchün, mudapie sanaiti ijraiye komitétining qararigha asasen qurulghan bir orundur.

türkiyening tunji milliy hujum qilish we közitish iqtidarigha ige uchquchisiz hawa apparatliri 2017 – yili noyabirdin bashlap alahide qisim qomandanliqi we déngiz armiyesi qomandanliqigha ötküzüp bérilishke bashlandi. yerlik hujumchi uchquchisiz hawa apparati – kargu afrinda élip bérilghan zeytun shéxi herbiy herikitide wezipe ötigen؛ özidin qachqan 5 kishilik térrorchilar guruppisini p k k térrorchilirigha yéqinlashqan peytte partlash arqiliq ujuqturghanidi. bashqiche qilip éytqanda, kargu sayisida alahide qisim xadimliri térrorchilarni 5 kilométir yiraqliqta turup yoqitip tashlighanidi. nöwette bolsa, qandildiki térrorchilargha wehime yaratmaqta.

 

taktikiliq urush qabiliyitige ige tewrenmes qanatliq uchquchisiz hawa apparati -alpargu

 

milliy uchquchisiz hawa apparatliri zamanimizdiki assimétrik urush we térrorizmgha qarshi küreshlerning eng küchlük mujadile wasitisi hésablinidu. alpargu «yalghuz halette düshmenge hujum qilghan yigit» dégen menini bildüridu. peqet birla esker élip yüreleydu. nishanlarni békitip düshmen küchlirini ujuqturush wezipilirini ijra qilalaydu.

ishlepchiqarghuchisi bolghan mudapie téxnologiyeliri inzhénérliq we soda hessidarliq shirkitining bildürüshiche, alpargu charlash, közitish we kichik hejimlik nishanlarni yoqitip tashlashtek bir qisim téxnikiliq alahidilikke ige tewrenmes qanatliq hujumchi uchquchisiz hawa apparatidur. alpargu del waqtida körünüsh élish we chongqurlap uchur igilesh alahidiliklirige ige bolup, uni muqim we heriketchan nishanlargha qarshi paal ishlitishke bolidu.

 

aylanma qanatliq zerbe bérish iqtidarigha ige uchquchisiz hawa apparati – kargu

 

kargu «tagh üstidiki közitish munari» yaki «regetke» dégen menilerni ipadileydu. aylanma qanatliq «qoralliq milliy uchquchisiz hawa apparati» depmu atilidu. ishlepchiqarghuchisi bolghan mudapie téxnologiyeliri inzhénérliq we soda hessidarliq shirkitining bildürüshiche, kargu - musteqil yaki tizginek bilen yiraqtin bashqurushtek bezi téxnikiliq alahidilikke ige bolup, aylanma qanatliq milliy hujumchi uchquchisiz hawa apparatidur. sistéma؛  hujumchi aylanma qanatliq uchquchisiz hawa apparati we yer kontrol qismi qatarliqlardin teshkil tapidu. kargu, kéche – kündüz paal heriket élip bérish iqtidarigha ige. oxshash bolmighan qoral bilen heriketchan nishanlargha merkezlishish imkaniyitige ige. özini yoqitip tashlash iqtidaridin bashqa toghrilanghan égizlikte zerbe bérish iqtidarimu bar.

 

aylanma qanatliq charlash uchquchisiz hawa apparati sistémisi- togan

 

togan dégen bu isim «ötkür közliri bilen sezgür közitish iqtidarigha ige, küchlük qanatliri bilen hawada chember sizalaydighan qush türi» bolghan «doghan yeni shungqar» din élinghan bolup, ishlepchiqarghuchisi bolghan mudapie téxnologiyeliri inzhénérliq we soda hessidarliq shirkiti, uning omumiy meqsetlik charlash – közitish üchün ishlepchiqirilghanliqini, uning özige xas pilanlash yumshaq détali, musteqil eqliy we heriket qabiliyitining alahide diqqetni tartidighanliqini qeyt qilidu. togan musteqil yaki tizginek arqiliq bashqurghili bolidighan, birla kishi élip yüreleydighan we ishliteleydighan aylanma qanatliq milliy uchquchisiz hawa apparatidur.

térrorchilargha qéchish imkaniyiti bermeydighan bu milliy uchquchisiz hawa apparatlirimiz, térrorchilarni eng kichik töshükler arqiliq uwilirigha kirip yoqitish alahidilikige igidur. alpargu we kargu bir minuttinmu az waqit ichide teyyarlinip qoyup bérilidu. orunlashturulghan qoralni élip nishangha qarap saitige 120 bilen 140 kilométirliq süret bilen ilgiriliyeleydu. üstidiki qoral 20 kiwadrat métirliq jaydiki barliq nishanlarni yoqitalaydu. türkiye, bu xil milliy mehsulatlirini ishlitip küresh qiliwatqan barliq térrorluq teshkilatlirining wehimilik chüshi bolushni dawamlashturmaqta.



مۇناسىۋەتلىك خەۋەرلەر