türkiye afghanistandiki urush toxtitishtin memnun ikenlikini bildürdi

türkiye awazi radiyosi xewiri: türkiye tashqi ishlar ministirliqi afghanistanda hökümet bilen taliban otturisidiki urush toxtitishtin memnun ikenliki toghrisida yazma bayanat élan qildi.

bayanatta: "afghanistanda hökümet bilen taliban otturisida élan qilinghan roza héytta özara urush toxtitishqa tereplerning boysunghanliqini memnunluq bilen közitiwatimiz. afghanistan pirézidénti hörmetlik eshref ghénining urush toxtitishni öz aldigha uzartqanliqini élan qilghanliqini qollaymiz" déyildi.

bayanatta töwendiki ibarilerge alahide orun ajritildi:

"afghanistan hökümitining bu qedimige, talibanning ijabiy jawab bérishini we afghanistanda tinchliq hemde muressening uzun muddetlikke ige bolushini ümid qilimiz. türkiye dost we qérindash afghanistangha tinchliq, bixeterlik we muqimliq élip kélish tirishchanliqlirini dawamliq qollaydu."