баш иштаб башлиқи ақар америкилиқ қомандан куртис билән мунбич йол хәритиси тоғрисида сөзләшти

түркийә армийәси баш иштаб башлиқи генерал - полковник хулуси ақар билән америка қошма иштатлири йавропа қисимлири қомандани билән телефонда көрүшти.

баш иштаб башлиқи ақар америкилиқ қомандан куртис билән мунбич йол хәритиси тоғрисида сөзләшти

түркийә авази радийоси хәвири: түркийә армийәси баш иштаб башлиқи генерал - полковник хулуси ақар америка қошма иштатлири йавропа қисимлири вә шималий атлантик әһди тәшкилати – нато иттипақдаш қисимлар һәрикәт қомандани куртис скапаротти билән телефонда көрүшти.

икки һәрбий әмәлдарниң телефон сөһбитидә, мунбич йол хәритисиниң иҗра қилинишиға даир мәсилиләр музакирә қилинди.

түркийә җумһурийити баш қоманданлиқ иштаби байанат берип, ақарниң түнүгүн скапаротти билән өткүзгән телефон сөһбитидә, сүрийәниң шималида мәвҗут хәвпсизлик вәзийити билән буниңдин илгири келишим һасил қилинған мунбич йол хәритисиниң роһиға асасән, бәлгиләнгән хәвпсизлик пиринсиплириниң иҗра қилинишиға алақидар мәсилиләр тоғрисида пикир алмаштурулғанлиқини уқтурди.



مۇناسىۋەتلىك خەۋەرلەر