erdoghan yerlik tok aptomobilning ishlepchiqirilidighan waqti toghruluq melumat berdi

jumhur reis rejep tayyip erdoghan yerlik tok aptomobilning 2021 – yili ishlepchiqirilishqa bashlinidighanliqini, buning milliy ishlepchiqirish omumiy qimmitige 50 milyard yawroluq hesse qoshidighanliqini bildürdi.

erdoghan yerlik tok aptomobilning ishlepchiqirilidighan waqti toghruluq melumat berdi

türkiye awazi radiyosi xewiri: jumhur reis rejep tayyip erdoghan ammiwi ortaqlishish tor béti Twitter sehipiside, bu heqte élan qilghan bayanatida, mundaq dédi: «yerlik aptomobil ishlepchiqirilishqa bashlinishi bilen teng türkiyening iqtisadiy tereqqiyatimu téz sürette yenimu yüksek sewiyege yétidu, 100 ge yéqin sahe tereqqiy qilidu, uchur – alaqe, yumshaq détal we digital téxnologiyeliri tereqqiy qildurulidu, néfitke béqindi bolup qélish aziyidu, eqilliq aptomobil heydesh sistémiliri arqiliq kelgüsining téxnologiyeliri eks ettürilidu.»

jumhur reis erdoghanning aptomobil sanaiti éksportigha alaqidar melumatlirigha asaslanghanda, 2002 – yili 4.8 milyard dollar bolghan éksport 6 hesse éship, 2017 – yili 28.5 milyard dollargha yetken, aptomobil sanaiti 2002 – yili 347 ming aptomobil ishlepchiqarghan bolup, 2017 – yili 1 milyon 696 ming aptomobil ishlepchiqarghan, shuning bilen, aptomobil ishlepchiqirish nisbiti 4.8 hesse ashqan.



مۇناسىۋەتلىك خەۋەرلەر