ministir chelik gérmaniyege qattiq naraziliq bildürdi

yawropa ittipaqi ishliri ministiri we bash muzakirichi ömer chelik, gérmaniyening térrorluq teshkilati terepdarlirining yighilish ötküzüshige ruxset qilishigha qattiq naraziliq bildürdi.

ministir chelik gérmaniyege qattiq naraziliq bildürdi

türkiye awazi radiyosi xewiri: yawropa ittipaqi ishliri ministiri we bash muzakirichi ömer chelik, gérmaniyening térrorluq teshkilati terepdarlirining yighilish ötküzüshige ruxset qilishigha resmiy tiwittér adrési arqiliq naraziliq bildürüp, «gérmaniyening térrorluq teshkilati terepdarlirining yighilishigha ruxset qilishi, démokratiye we qanun tonushigha yarashmaydu. gérmaniye dairilirining ijaziti bilen térror namayishi ötküzüldi» dédi.

bu xil paaliyetlerge ruxset qilghanlarning özining démokratiye we qanun chüshenchisini bu teshkilatlargha paydiliq shekilde yéziwatqanliqini tekitligen chelik, «térror insanliq jinayitidur. térror namayishigha ruxset qilghuchilar insanliqqa qarshi sadir qilinghan jinayetlerge qarshi küresh qiliwatqanliqini dewa qilalmaydu» dégenlerni qeyt qildi.

u, p k k  térrorluq teshkilatining himaye qilinishining gérmaniye dairilirining ijaziti bilen ishqa ashqanliqini eskertip, «gérmaniye dairiliri ashkara halda bir térrorluq teshkilatining yawropaning otturisida paaliyet élip bérishigha ruxset qilmaqtidur» dégenlerni tekitlidi.

ministir chelik, qanun we démokratiye chüshenchisi nuqtisidin qarshi küresh qilinishi kérek bolghan térrorluq paaliyetlirige resmiy dairilerning qoli arqiliq ruxset qilinishining héchqandaq özre bilen izahlinalmighudek shekilde térrorning himaye qilinishi dégenlik bolidighanliqini qeyt qilip, «térrorluq teshkilatliri arisida yaxshi yaki nachar dégendek ayrimchiliq qilghan démokratik tüzümlerning özlirining qanuniyliqini ajizlitishtin bashqa bir ish qilmaywatqanliqliri roshendur. térrorni himaye qilish arqiliq öz démokratiyelirige, özlirige hujum qilghan bolidu» dédi.



مۇناسىۋەتلىك خەۋەرلەر