erdoghan: manga suyiqest qilinidighanliqi toghrisidiki uchurlardin xewer taptim...

jumhur reis rejep tayyip erdoghan, balqan rayonigha özige suyiqest qilinidighanliqigha alaqidar xewerler toghrisidiki bir soalgha, «bu xewer mangimu yétip keldi. shuning üchün bu yerge keldim» dep jawab berdi.

erdoghan: manga suyiqest qilinidighanliqi toghrisidiki uchurlardin xewer taptim...

türkiye awazi radiyosi xewiri: bosniye – gértségowinada bir künlük dölet ishliri ziyaritide bolghan jumhur reis erdoghan, paytext sarayéwoda pirézidéntliq kéngishi bashliqi bakir izzetbégowéch bilen körüshti. u, balqan rayonida özige suyiqest qilinidighanliqi toghrisidiki uchurni türkiye dölet bixeterlik idarisining yetküzgenlikini eskertip, «bu xewer manga yétip keldi, yétip kelgenliki üchün bu yerdimen. bu xil tehditler, heriketler bizni bu yoldin tosup qalalmaydu» dédi we sözini dawamlashturup, «yawropaning oxshash bolmighan jayliridin kelgen minglache kishi, bu yerde eger körüshüshni, uchrishishni xalighan bir rehber bilen körüshelmise, uchrishalmisa, manga nisbeten toghra ish bolmaydu. biz ular bilen bu yerde uchrishimiz. pilanimiz tolimu perqliq bir pilandur. yolimizgha chiqqinimizda boshashmastin dawamlashturimiz, 15 – iyuldikige oxshash» dégenlerni qeyt qildi.

u, türkiyening bosniye – gértségowinaning bashayatliqi, birliki we iqtisadiy tereqqiyatidin bashqa héchqandaq yoshurun pilanining yoqluqini éytti. u yene, fethullahchi térrorluq teshkilatining xelqning barliq qatlamlirigha qollirini sozup goya sekkiz putluq béliqtekla mewjutluqini dawamlashturushqa tirishiwatqanliqini eskertip, «bu sahediki küresh bolsa, alahide küch telep qilidu. fethullahchi térrorluq teshkilatining bosniye – gértségowinadiki qurulmiliriningmu özara tirishchanliq körsitish arqiliq qisqa waqit ichide yoqitilishini kütmektimiz. biz bu jehette her türlük hemkarliqni ornitishqa teyyarmiz» dédi.

türkiye bilen bosniye - gértségowina arisidiki soda toghrisidimu toxtalghan erdoghan, ikki terep soda hejimi nishanining bir milyard dollar ikenlikini, her ikki terepte buni yuqiri kötürüsh iradisi barliqini éytti.

jumhur reis erdoghan ziyariti dairiside, yawropaliq türk démokratlar ittipaqining 6 – nöwetlik omumiy kéngishige sherep méhmini süpitide ishtirak qilip söz qilidu.

erdoghan yene, xelqara sarayéwo uniwérsitéti teripidin bérilidighan pexri doktorluq unwanini tapshurup alidu.



مۇناسىۋەتلىك خەۋەرلەر