chawushoghlu onlarche döletning tashqi ishlar ministiri bilen téléfonda körüshti

türkiye jumhuriyiti tashqi ishlar ministiri mewlüt chawushoghlu, amérika qoshma ishtatlirining tél awiwdiki elchixanisini qudusqa köchürüshi we ghezze chégrasida yüz bergen weqelerni chöridigen halda onlarche döletning tashqi ishlar ministiri bilen körüshti.

chawushoghlu onlarche döletning tashqi ishlar ministiri bilen téléfonda körüshti

türkiye awazi radiyosi xewiri: türkiye jumhuriyiti tashqi ishlar ministiri mewlüt chawushoghlu, amérika qoshma ishtatlirining tél awiwdiki elchixanisini qudusqa köchürüshi we ghezze chégrasida yüz bergen weqeler toghrisida pikir almashturush üchün, oxshash bolmighan döletlerning tashqi ishlar ministirliri bilen téléfon diplomatiyesi élip bérishni dawamlashturmaqta.

diplomatik menbelerdin igilengen uchurgha asaslanghanda, ministir chawushoghlu özgirishlerni chöridigen halda sérralion tashqi ishlar ministiri alié kabba, misir tashqi ishlar ministiri semih shukri, tunis tashqi ishlar ministiri xumeys jihinawi, moldawiye tashqi ishlar ministiri muhemmed asim, aljiriye tashqi ishlar ministiri méssahél qatarliqlar bilen ayrim – ayrim halda téléfonda körüshken.

chawushoghlu tünügün jibuti tashqi ishlar ministiri mehmud eli yusuf, gine tashqi ishlar ministiri mamadi touré, marakesh tashqi ishlar ministiri nasir burita we liwan tashqi ishlar ministiri jibran basil, qazaqistan tashqi ishlar ministiri qayrat abdrahmanow, kuweyt tashqi ishlar ministiri sheyx sabah xalid elhemed al sabah, birunéy tashqi ishlar we soda ishliri ikkinchi ministiri lim jok séng, mali tashqi ishlar we xelqara hemkarliq ishliri ministiri tiéman hubért kolibaly, özbékistan tashqi ishlar ministiri abduleziz kamilow, liwiye memliketlik yarishish hökümiti tashqi ishlar ministiri muhemmed taha siala, qirghizistan tashqi ishlar ministiri erlan abdildayéw, mawritaniye tashqi ishlar ministiri isliko welid ehmed izid bih, iraq tashqi ishlar ministiri ibrahim jeferi we chad tashqi ishlar ministiri muhemmed zeyn sherif qatarliqlar bilenmu téléfonda körüshkenidi.

amérika pirézidénti donald trampning buningdin ilgiri élan qilghan qararigha asasen, amérikining tél awiwdiki elchixanisini 14 – mayda resmiy shekilde qudusqa köchürüshi rayonda küchlük naraziliq peyda qildi.

israiliye eskerliri, amérikining qudusqa elchixana échishigha naraziliq bildürüsh üchün muhasire astidiki ghezze chégrasida ötküzülgen namayishlargha ishtirak qilghan 62 pelestinlikni shéhit qildi, 3188 pelestinlikni yarilandurdi.

israiliyening pelestinliklerge qilghan hujumigha qattiq naraziliq bildürgen türkiye, shéhit pelestinlikler üchün 3 künlük matem élan qilishni qarar qildi.



مۇناسىۋەتلىك خەۋەرلەر