чавушоғлу онларчә дөләтниң ташқи ишлар министири билән телефонда көрүшти

түркийә җумһурийити ташқи ишлар министири мәвлүт чавушоғлу, америка қошма иштатлириниң тел авивдики әлчиханисини қудусқа көчүрүши вә ғәззә чеграсида йүз бәргән вәқәләрни чөридигән һалда онларчә дөләтниң ташқи ишлар министири билән көрүшти.

чавушоғлу онларчә дөләтниң ташқи ишлар министири билән телефонда көрүшти

түркийә авази радийоси хәвири: түркийә җумһурийити ташқи ишлар министири мәвлүт чавушоғлу, америка қошма иштатлириниң тел авивдики әлчиханисини қудусқа көчүрүши вә ғәззә чеграсида йүз бәргән вәқәләр тоғрисида пикир алмаштуруш үчүн, охшаш болмиған дөләтләрниң ташқи ишлар министирлири билән телефон дипломатийәси елип беришни давамлаштурмақта.

дипломатик мәнбәләрдин игиләнгән учурға асасланғанда, министир чавушоғлу өзгиришләрни чөридигән һалда серралион ташқи ишлар министири алие кабба, мисир ташқи ишлар министири сәмиһ шукри, тунис ташқи ишлар министири хумәйс җиһинави, молдавийә ташқи ишлар министири муһәммәд асим, алҗирийә ташқи ишлар министири мессаһел қатарлиқлар билән айрим – айрим һалда телефонда көрүшкән.

чавушоғлу түнүгүн җибути ташқи ишлар министири мәһмуд әли йусуф, гинә ташқи ишлар министири мамади тоуре, маракәш ташқи ишлар министири насир бурита вә ливан ташқи ишлар министири җибран басил, қазақистан ташқи ишлар министири қайрат абдраһманов, кувәйт ташқи ишлар министири шәйх сабаһ халид әлһәмәд ал сабаһ, бируней ташқи ишлар вә сода ишлири иккинчи министири лим җок сең, мали ташқи ишлар вә хәлқара һәмкарлиқ ишлири министири тиеман һуберт колибалй, өзбекистан ташқи ишлар министири абдуләзиз камилов, ливийә мәмликәтлик йаришиш һөкүмити ташқи ишлар министири муһәммәд таһа сиала, қирғизистан ташқи ишлар министири әрлан абдилдайев, мавританийә ташқи ишлар министири ислико вәлид әһмәд изид биһ, ирақ ташқи ишлар министири ибраһим җәфәри вә чад ташқи ишлар министири муһәммәд зәйн шәриф қатарлиқлар биләнму телефонда көрүшкәниди.

америка пирезиденти доналд трампниң буниңдин илгири елан қилған қарариға асасән, америкиниң тел авивдики әлчиханисини 14 – майда рәсмий шәкилдә қудусқа көчүрүши районда күчлүк наразилиқ пәйда қилди.

исраилийә әскәрлири, америкиниң қудусқа әлчихана ечишиға наразилиқ билдүрүш үчүн муһасирә астидики ғәззә чеграсида өткүзүлгән намайишларға иштирак қилған 62 пәләстинликни шеһит қилди, 3188 пәләстинликни йариландурди.

исраилийәниң пәләстинликләргә қилған һуҗумиға қаттиқ наразилиқ билдүргән түркийә, шеһит пәләстинликләр үчүн 3 күнлүк матәм елан қилишни қарар қилди.



مۇناسىۋەتلىك خەۋەرلەر