türkiye wekili yawropa kéngishi yighin zalidin chiqip, türkiyege qaytishni qarar qildi

yawropa kéngishi parlamént ezaliri mejlisining türkiye heyiti bashliqi akif chaghatay qilich, térrorchi salih muslimning sözligüchi süpitide teklip qilinishigha qattiq naraziliq bildürdi.

türkiye wekili yawropa kéngishi yighin zalidin chiqip, türkiyege qaytishni qarar qildi

türkiye awazi radiyosi xewiri: yawropa kéngishi parlamént ezaliri mejlisining türkiye heyiti bashliqi akif chaghatay qilich, bölgünchi térrorluq teshkilati p k k ning süriye gumashtisi p y d ning atalmish sabiq teng hoquqluq bashliqi salih muslimning sözligüchi süpitide teklip qilinishigha naraziliq bildürüp, omumiy kéngeshtiki xizmetlirini yérim yolda toxtitip qoyup türkiyege qaytishni qarar qildi.

akif chaghatay qilich yazma bayanat élan qilip, firansiyening istrasburg shehiride bashlanghan yawropa kéngishi parlamént ezaliri mejlisining bahar mezgillik omumiy kéngesh yighinining qoshumche bölümidiki bir paaliyetke térrorchilar kattibéshi salih muslimning teklip qilinishini eyiblidi.

birleshme yawropa solchilar guruppisi bashliqining tirishchanliqi sayisida yawropa kéngishi parlamént ezaliri mejlisi binasida türkiyening süriyede élip barghan zeytun shéxi herbiy herikitige qarshi yighin ötküzülüshige we muslimning u yerge teklip qilinip, léksiye sözlishige ruxset qilinishini eyibligen qilich, «yawropa kéngishining qimmet – qarashlirigha zit we yawropa kéngishi ölchemliri nuqtisidin qobul qilinishi mumkin bolmaydighan bu paaliyetni eyibleymen» dégenlerni qeyt qildi.

akif chaghatay qilich bu heqtiki yazma bayanatida yene, «bu paaliyetning ötküzülüshige ruxset qilinishini we térrrochi salih muslimning yawropa kéngishi parlamént ezaliri mejlisining bir paaliyitige ishtirak qilishigha naraziliq bildürüsh meqsitide, yawropa kéngishi parlamént ezaliri mejlisidiki türk heyitining bashliqi bolush süpitim bilen, parlamént ezaliri mejlisining aprél ayliq yighinidin ayrilip türkiyege qaytimen. heyet ezalirimizning beziliri yawropa kéngishi parlamént ezaliri mejlisi omumiy kéngishide qobul qilinidighan doklatning türkiyege alaqidar qisimlirigha özgertish kirgüzüsh teklipini sunush we ularni himaye qilish üchün aprél ayliq yighinlargha cheklik dairide ishtirak qilidu» dégen ibarilerge orun berdi.



مۇناسىۋەتلىك خەۋەرلەر