chawushoghlu yawropaliq siyasetchilerni agahlandurdi

türkiye jumhuriyiti tashqi ishlar ministiri mewlüt chawushoghlu, yawropaliq siyasetchilerni irqchil til ishlitishtin yiraq turushqa chaqirdi.

chawushoghlu yawropaliq siyasetchilerni agahlandurdi

türkiye awazi radiyosi xewiri: türkiye jumhuriyiti tashqi ishlar ministiri mewlüt chawushoghlu, gherbiy yawropadiki ashqunluqning ewjige chiqishining bir sewebining bezi siyasetchilerning bölgünchi uslubini arqa körünüsh qilidighanliqini eskertip, «bu pozitsiye, xelqni diniy we étnik kélip chiqish jehette bir – biridin ayrimaqta. bu nahayiti xeterlik oyundur» dédi.

mewlüt chawushoghlu, b d t  xewpsizlik kéngishining «yashlar, tinchliq we xewpsizlik» témiliq yighinida söz qildi. u, yashlarning tinchliq we bixeterlik ornitish jehette oynaydighan roli mesiliside qarar chiqarghuchilar we siyasetchilerning éghir mesuliyiti barliqini tekitlep, «gherbiy yawropadiki ashqunluqning ewjige chiqishining bir sewebi, bezi siyasetchiler ishletken bölgünchi tildur. bu pozitsiye, xelqni diniy we étnik kélip chiqish jehette bir – biridin ayrimaqta. bu nahayiti xeterlik oyundur» dédi.

ministir chawushoghlu, siyasetchilerning qélipliship qalghan bu xil sözlerdin yiraq turushi, buning ornigha birlikning ehmiyitini tekitleydighan sözlerni teshwiq qilishi kéreklikini tekitlidi.

ashqunluq we radikalizmni bir din yaki bir topluqqa dönggep qoyghili bolmaydighanliqini eskertken chawushoghlu, «bu biz duch kelgen ortaq sinaqtur, hemmimiz buning bilen yüzlishishimiz kérek» dédi.

u, dunya tinchliqi we bixeterlikini berpa qilishta yashlarning rolining nahayiti muhim orunda turidighanliqini qeyt qilip, xelqara jemiyet we türkiye bilen ispaniye birlikte riyasetchilik qilghan medeniyetler ittipaqigha oxshash mewjut organlarningmu yashlarning tinchliq we bixeterlik siyasetliride rol oynishigha hesse qoshush mumkinchiliki barliqini éytti.

chawushoghlu, «biz yashlarni küchlendürüsh yolidiki barliq xizmetlerge hesse qoshushni dawamlashturimiz» dégenlerni sözlirige ilawe qildi.



مۇناسىۋەتلىك خەۋەرلەر