insanperwerlik yaridem weqfi «İHH», afrin xelqige tamaq tarqatmaqta
insan heq we hörriyetliri, insanperwerlik yaridem weqfi «İHH»ning afrinda her küni 10 ming kishige tamaq tarqitiwatqanliqi bildürüldi.
türkiye awazi radiyosi xewiri: zeytun shéxi herbiy herikitidin kéyin térrorchilardin tazilanghan afrin sheher merkizide insan heq we hörriyetliri, insanperwerlik yaridem weqfi «İHH», 10 ming kishige issiq tamaq tarqitip berdi.
insan heq we hörriyetliri, insanperwerlik yaridem weqfi «İHH»ning süriye axbarat ishliri mesuli selim tosun afrin sheher merkizide qurulghan tamaqxana arqiliq aililerning tamaq éhtiyajini qamdashqa tirishwatqanliqini éytti.
térrorchilardin tazilanghan rayonlardiki yardem xizmetlirini üzlüksiz dawamlashturiwatqanliqlirini bildürüp, türkiyediki saxawetchilerning yardemlirini afrinliq aililerge yetküzüshke tirishiwatqanliqini éytti.
selim tosun qurghan tamaqxanida künige 10 ming kishige issiq tamaq yetküzüliwatqanliqini, tamaq tarqitishni buningdin kéyinmu dawamlashturidighanliqini tekitlidi.
türkiye armiyesining afrin rayonini bölgünchi térrorluq teshkilati p k k/ k j k/ p y d – y p g we daésh térrorchiliridin tazilap, dost we qérindash rayon xelqini bésim we zulumlardin qutquzush üchün 20 – dékabirda zeytin shéxi herby herikitini bashlighan bolup, 18 – martta rayonni térrorchilardin qutqazghan idi.
