erdoghan, ximiyelik qorallarghila merkezliship, bashqilarni untup qélishqa bolmaydighanliqini éytti

jumhur reis rejep tayyip erdoghan, dunya elliri rehberlirini yéngi bir tinchliqning ulini qoyushqa chaqirdi.

erdoghan, ximiyelik qorallarghila merkezliship, bashqilarni untup qélishqa bolmaydighanliqini éytti

türkiye awazi radiyosi xewiri: erdoghan istanbulda chaqirilghan dunya teshebbuskarlar qurultiyida süriyediki puqralarning ölüp kétish ehwalliri üstide toxtilip, qalaymiqan bombardiman qilish arqiliq insanlarning janlirigha zamin boluwatqan döletlerge chaqiriq qilghan halda, «bizning dewatqinimiz, kélinglar bu dunyada yéngi bir tinchliqning ulini qoyayli (dégendin ibaret)» dédi.

puqralarning ölüp kétishige seweb boluwatqan döletlerning tinchliqni éghizidin chüshürmeywatqanliqini eskertken erdoghan, dunya rehberlirini durus we semimiy bolushqa chaqirdi.

amérika qoshma ishtatliri bashchiliqida shenbe küni seherde, süriyede ximiyelik qoral ishletken beshshar esed hakimiyitige qarshi élip bérilghan heriket toghrisidimu toxtalghan erdoghan, «dewatqan bir nerse bar, u bolsimu ximiyelik qoral ishletkenliki üchün bombardiman qilduq. <ilghar qorallar bilen ölgenlerni bir bulunggha tashlap qoy, peqet ximiyelik qoral bilen öltürülgenlergila qara> , deydighan bundaqmu adalet bolamdu?» dédi.

u yene, türkiyening hazirghiche musapirlargha 31 milyard dollar pul serp qilghanliqini bildürüp, yawropa ittipaqining musapirlarning éhtiyajlirigha serp qilish üchün türkiyege 6 milyard yawro pul bérishni wede qilghan bolsimu, bu wediside turmighanliqini éytti.

erdoghan sözini dawamlashturup, «héchkimni zalimlarning insabigha yaki déngizlarda gherq bolushqa tashlap qoymaymiz, hemmige ishikimiz ochuq. bu insaniy pozitsiyemizdin qetiy waz kechmiduq. dölitimizge musapirlarning kélishige seweb bolghan, dölitimizge xewp élip kéliwatqan térrorluq teshkilatlirigha qarshi qetiylik bilen heriket qilduq» dégenlerni qeyt qildi.



مۇناسىۋەتلىك خەۋەرلەر