әрдоған, химийәлик қоралларғила мәркәзлишип, башқиларни унтуп қелишқа болмайдиғанлиқини ейтти

җумһур рәис рәҗәп таййип әрдоған, дунйа әллири рәһбәрлирини йеңи бир тинчлиқниң улини қойушқа чақирди.

әрдоған, химийәлик қоралларғила мәркәзлишип, башқиларни унтуп қелишқа болмайдиғанлиқини ейтти

түркийә авази радийоси хәвири: әрдоған истанбулда чақирилған дунйа тәшәббускарлар қурултийида сүрийәдики пуқраларниң өлүп кетиш әһваллири үстидә тохтилип, қалаймиқан бомбардиман қилиш арқилиқ инсанларниң җанлириға замин болуватқан дөләтләргә чақириқ қилған һалда, «бизниң дәватқинимиз, келиңлар бу дунйада йеңи бир тинчлиқниң улини қойайли (дегәндин ибарәт)» деди.

пуқраларниң өлүп кетишигә сәвәб болуватқан дөләтләрниң тинчлиқни еғизидин чүшүрмәйватқанлиқини әскәрткән әрдоған, дунйа рәһбәрлирини дурус вә сәмимий болушқа чақирди.

америка қошма иштатлири башчилиқида шәнбә күни сәһәрдә, сүрийәдә химийәлик қорал ишләткән бәшшар әсәд һакимийитигә қарши елип берилған һәрикәт тоғрисидиму тохталған әрдоған, «дәватқан бир нәрсә бар, у болсиму химийәлик қорал ишләткәнлики үчүн бомбардиман қилдуқ. <илғар қораллар билән өлгәнләрни бир булуңға ташлап қой, пәқәт химийәлик қорал билән өлтүрүлгәнләргила қара> , дәйдиған бундақму адаләт боламду?» деди.

у йәнә, түркийәниң һазирғичә мусапирларға 31 милйард доллар пул сәрп қилғанлиқини билдүрүп, йавропа иттипақиниң мусапирларниң еһтийаҗлириға сәрп қилиш үчүн түркийәгә 6 милйард йавро пул беришни вәдә қилған болсиму, бу вәдисидә турмиғанлиқини ейтти.

әрдоған сөзини давамлаштуруп, «һечкимни залимларниң инсабиға йаки деңизларда ғәрқ болушқа ташлап қоймаймиз, һәммигә ишикимиз очуқ. бу инсаний позитсийәмиздин қәтий ваз кәчмидуқ. дөлитимизгә мусапирларниң келишигә сәвәб болған, дөлитимизгә хәвп елип келиватқан террорлуқ тәшкилатлириға қарши қәтийлик билән һәрикәт қилдуқ» дегәнләрни қәйт қилди.



مۇناسىۋەتلىك خەۋەرلەر