stolténbérg t r t ning alahide méhmini boldi

nato bash katipi stolténbérg türkiyening yolluq xewpsizlik endishelirini közde tutqan halda heriket qilishining normal ikenlikini éytti.

stolténbérg t r t ning alahide méhmini boldi

türkiye awazi radiyosi xewiri: bash katip stolténbérg türkiye radiyo-téléwiziye idarisi (t r t) ning alahide méhmini boldi. u enqerediki uchrishishliri daireside, t r t xelqara xewerler mudiri ehmet görmezning soallirigha jawab berdi.

u süriyening afrin rayonida bölgünchi térrorluq teshkilati p k k|p y d-y p g we daésh térroristlirigha qarshi qilinghan küresh toghrisida toxtaldi. u mundaq dédi:

«süriye bilen iraqta aktip bolghan guruppilar bar, türkiye nahayiti köp térrorluq hujumlirigha uchridi. oxshash waqitta yene, süriyediki rayonlar toghrisida türkiye bilen körüshüshni chaqiriq qilimen. süriyening shimalidiki weziyet nahayiti murekkep we mesililer bilen tolghan.»

nato bash katipi süriyening shimaligha munasiwetlik enqere-washington linyesidiki diyalog toghrisida toxtaldi. u: «nato ittipaqdishi bolghan türkiyening daéshning ziyankeshlikige uchrighanliqini bilimiz. türkiye milyonlarche musapirlargha ishikini achti, elwette bu, türkiyening xewpsizlik endishelirining küchiyishige seweb boldi» dédi.

u shenbe (14-aprél) seherde amérika, firansiye we engliyening süriyediki herbiy herikiti toghrisidimu toxtilip: «beshshar esed hakimiyiti üchün kérek idi, cheklik dairediki herbiy heriket üchün bu qedem tashlinishi kérek idi» dédi.

u yene mundaq dédi:

«bu qétimliq zerbe ximiyelik qorallarning hemmisini yoqatmidi. biraq, qilishqa tégishlik idi. chünki bu heriketler süriyening ximiyelik qoral miqdarini azaytidu. oxishash waqitta yene, nahayiti muhim we küchlük signal bergen boldi.»

nato bash katipi stolténbérg süriye mesilisining herbiy yol bilen emes, belki siyasiy yol bilen hel qilinish mumkinchilikige ishinidighanliqini eskertti.    



مۇناسىۋەتلىك خەۋەرلەر