nato bash katipi stolténbérg enqere ziyaritini bashlidi

stolténbérg türkiye dölet mudapie ministiri nurettin janikli teripidin murasim bilen kütüwélindi.

nato bash katipi stolténbérg enqere ziyaritini bashlidi

türkiye awazi radiyosi xewiri: türkiye dölet mudapie ministiri nurettin janikli nato bash katipi stolténbérg bilen körüshti. janikli körüshüshtin burun nato bash katipi stolténbérgqa: «térrorluqqa qarshi küreshte toghra chüshengenlikingiz we qollighanliqingiz üchün teshekkür éytimiz» dédi.

stolténbérg murasimda türkiye hörmet qarawullirigha salam yollighandin kéyin, sherep depitirige béghishlima yazdi. murasimdin kéyin stolténbérg bilen janiklining ayrim körüshüshi we heyetler ara körüshüsh ötküzüldi.

stolténbérg ministir janikli bilen körüshüshini axirlashturghandin kéyin, tashqi ishlar ministiri mewlüt chawushoghlu bilenmu körüshti.

körüshüshlerde, térrorluqqa qarshi küresh, türkiye armiyesining afrindiki bölgünchi térrorluq teshkilati p k k|k j k|p y d-y p g we daésh ezalirini yoqitish, dost we qérindash rayon xelqini yuqiri bésim hemde zulumdin qutquzush üchün 2018-yili 20-yanwar bashlanghan «zeytun shéxi herbiy herikiti», türkiye-nato munasiwetliri, 2018-yilliq biryussél aliy rehberler yighini we rayonluq mesililer muzakire qilinidu. buningdin bashqa, amérika, firansiye we engliyening süriyede beshshar esed hakimiyitige qarshi élip barghan herbiy herikitimu muzakire qilinidu.

türkiye jumhur reisi rejep tayyip erdoghan bash katip stolténbérgini qobul qilidu.



مۇناسىۋەتلىك خەۋەرلەر