chawushoghlu stolténbérg bilen qoshma muxbirlarni kütüwélish yighini ötküzdi

türkiye jumhuriyiti tashqi ishlar ministiri mewlüt chawushoghlu, türkiyening térrorizmgha qarshi küreshte ayrimchiliq qilishqa qarshi ikenlikini éytti.

chawushoghlu stolténbérg bilen qoshma muxbirlarni kütüwélish yighini ötküzdi

türkiye awazi radiyosi xewiri: shimaliy atlantik ehdi teshkilati – nato bash katipi yéns stolténbérg, türkiye ziyariti dairiside paytext enqerede tashqi ishlar ministiri chawushoghlu bilen körüshti؛ ikki rehber uchrishishtin qoshma muxbirlarni kütüwélish yighini ötküzdi. chawushoghlu yighinda söz qilip, «nato térrorizmgha qarshi kürishimizni téximu küchlük qollishini kütmektimiz. bash katipning mushu qarashta ikenlikini bilimiz we uninggha rehmet éytimiz. térrorizmgha qarshi küreshte ayrimichiliq qilishqa qarshimiz. barliq térrorluq teshkilatlirigha qarshi küresh qilishni dawamlashturimiz» dédi.

chawushoghlu, firansiye pirézidénti émanuél makronning süriyediki hawadin zerbe bérish herikiti toghrisida bayanat bergen chaghdiki «türkiye bilen rusiyeni ayriwettuq» dégen sözliri üstide toxtilip, epsuski köp sandiki yawropaliq dostimiz ishning jiddiylikidin yiraq, pozitsiyege wekillik qilishmaqta. firansiye pirézidéntining bayanatliri perqliq döletler teripidin yalghangha chiqirildi. (biz uning) bir pirézidéntqa yarishidighan bayanatlarni bérishini kütimiz. makron, rusiye we iran bilen (mushu ayning béshida enqerede) ötküzülgen uchrishishqa qatnishishni telep qildi. üch terep yighinigha qatnashturulmighanliqi üchün kelmidi. bu weqeler dumadiki hujumdin (7- apréldin) burun boldi» dédi we sözini dawamlashturup, «rusiye bilen bolghan munasiwetlirimiz firansiye pirézidéntining sözliri bilen buzulup ketmeydu. bizning rusiye bilen küchlük munasiwitimiz bar. bu xil bayanatlar toghra bayanatlar emes» dégenlerni qeyt qildi.

nato bash katipi yéns stolténbérgmu, türkiye armiyesining süriyening gherbiy shimaligha jaylashqan afrin rayonidiki p k k / p y d we daésh térrorchilirini bir terep qilip, dost we qérindash rayon xelqini bésim we zulumdin qutuldurush meqsitide 20 – yanwarda bashlighan zeytun shéxi herbiy herikiti boyiche türkiyening ochuq – ashkara bolush siyasitini yaqlighanliqigha yuqiri baha bergenlikini tekitlep ötti.

stolténbérg, ximiyelik qoral hujumi sadir qilinghanliqi ilgiri sürülgendin kéyin amérika qoshma ishtatliri, firansiye we engliyening süriyede élip barghan hujumlirida toghrisida bolsa, «bu herbiy heriketlerning meqsiti süriye hakimiyitining ximiyelik qoral iqtidarini ajizlitishtin ibaret ikenliki signalini béridu» dédi.


خەتكۈچ: nato , türkiye

مۇناسىۋەتلىك خەۋەرلەر