чавушоғлу столтенберг билән қошма мухбирларни күтүвелиш йиғини өткүзди

түркийә җумһурийити ташқи ишлар министири мәвлүт чавушоғлу, түркийәниң терроризмға қарши күрәштә айримчилиқ қилишқа қарши икәнликини ейтти.

чавушоғлу столтенберг билән қошма мухбирларни күтүвелиш йиғини өткүзди

түркийә авази радийоси хәвири: шималий атлантик әһди тәшкилати – нато баш катипи йенс столтенберг, түркийә зийарити даирисидә пайтәхт әнқәрәдә ташқи ишлар министири чавушоғлу билән көрүшти؛ икки рәһбәр учришиштин қошма мухбирларни күтүвелиш йиғини өткүзди. чавушоғлу йиғинда сөз қилип, «нато терроризмға қарши күришимизни техиму күчлүк қоллишини күтмәктимиз. баш катипниң мушу қарашта икәнликини билимиз вә униңға рәһмәт ейтимиз. терроризмға қарши күрәштә айримичилиқ қилишқа қаршимиз. барлиқ террорлуқ тәшкилатлириға қарши күрәш қилишни давамлаштуримиз» деди.

чавушоғлу, фирансийә пирезиденти емануел макронниң сүрийәдики һавадин зәрбә бериш һәрикити тоғрисида байанат бәргән чағдики «түркийә билән русийәни айривәттуқ» дегән сөзлири үстидә тохтилип, әпсуски көп сандики йавропалиқ достимиз ишниң җиддийликидин йирақ, позитсийәгә вәкиллик қилишмақта. фирансийә пирезидентиниң байанатлири пәрқлиқ дөләтләр тәрипидин йалғанға чиқирилди. (биз униң) бир пирезидентқа йаришидиған байанатларни беришини күтимиз. макрон, русийә вә иран билән (мушу айниң бешида әнқәрәдә) өткүзүлгән учришишқа қатнишишни тәләп қилди. үч тәрәп йиғиниға қатнаштурулмиғанлиқи үчүн кәлмиди. бу вәқәләр думадики һуҗумдин (7- апрелдин) бурун болди» деди вә сөзини давамлаштуруп, «русийә билән болған мунасивәтлиримиз фирансийә пирезидентиниң сөзлири билән бузулуп кәтмәйду. бизниң русийә билән күчлүк мунасивитимиз бар. бу хил байанатлар тоғра байанатлар әмәс» дегәнләрни қәйт қилди.

нато баш катипи йенс столтенбергму, түркийә армийәсиниң сүрийәниң ғәрбий шималиға җайлашқан африн районидики п к к / п й д вә даеш террорчилирини бир тәрәп қилип, дост вә қериндаш район хәлқини бесим вә зулумдин қутулдуруш мәқситидә 20 – йанварда башлиған зәйтун шехи һәрбий һәрикити бойичә түркийәниң очуқ – ашкара болуш сийаситини йақлиғанлиқиға йуқири баһа бәргәнликини тәкитләп өтти.

столтенберг, химийәлик қорал һуҗуми садир қилинғанлиқи илгири сүрүлгәндин кейин америка қошма иштатлири, фирансийә вә әнглийәниң сүрийәдә елип барған һуҗумлирида тоғрисида болса, «бу һәрбий һәрикәтләрниң мәқсити сүрийә һакимийитиниң химийәлик қорал иқтидарини аҗизлитиштин ибарәт икәнлики сигналини бериду» деди.


خەتكۈچ: нато , түркийә

مۇناسىۋەتلىك خەۋەرلەر