تۈركىيە رەھبەرلىرى ئامېرىكا باشچىلىقىدىكى ھاۋا ھۇجۇمىغا ئىنكاس قايتۇردى
تۈركىيە رەھبەرلىرى ئامېرىكا قوشما ئىشتاتلىرى، ئەنگلىيە ۋە فىرانسىيەنىڭ بەششار ئەسەد ھاكىمىيىتىگە قارشى قوزغىغان ھاۋا ھۇجۇمى توغرۇلۇق ئىنكاس قايتۇردى.
تۈركىيە ئاۋازى رادىيوسى خەۋىرى: مەدەنىيەت ۋە ساياھەت ئىشلىرى مىنىستىرى نۇمان قۇرتۇلمۇش، شانلىئۇرفا ئېلان قىلغان باياناتىدا، ئامېرىكا قوشما ئىشتاتلىرى، ئەنگلىيە ۋە فىرانسىيەنىڭ بەششار ئەسەد ھاكىمىيىتىگە قارشى ئېلىپ بارغان ئورتاق ھاۋا ھۇجۇمى توغرۇلۇق توختالغاندا، سۈرىيە خەلقىنىڭ ئۇزۇن يىللاردىن بۇيان ئېغىر زۇلۇملارنى باشتىن كەچۈرۈۋاتقانلىقىنى تەكىتلەپ مۇنداق دېدى: «بۇ ھاۋا ھۇجۇمىنىڭ رايونغا نىسبەتەن خەيرلىك بولۇشىنى ئۈمىد قىلىمىز.»
سۈرىيەدە ئىچكى ئۇرۇشنىڭ ئۇدا 7 يىلدىن بۇيان داۋاملىشىۋاتقانلىقىنى، بۇنىڭ ئىچىدىكى 4 – 5 يىلنىڭ ۋەكالەت ئۇرۇشلىرىغا ئايلىنىپ كەتكەنلىكىنى ئەسكەرتكەن قۇرتۇلمۇش، بۇ ئۇرۇشنىڭ ئەمدى ئاخىرلىشىشى كېرەكلىكىنى تەكىتلىدى.
جۇمھۇرىيەت خەلق پارتىيەسى رەھبىرى كەمال قىلىچدارئوغلۇ خاتايدا ئامېرىكا قوشما ئىشتاتلىرىنىڭ بەششار ئەسەد ھاكىمىيىتىگە قارشى ئېلىپ بارغان ھاۋا ھۇجۇمى توغرۇلۇق توختالغاندا، «قايسى دۆلەت بولۇشىدىن قەتئىينەزەر، خىمىيەلىك قوراللارنى ئىشلىتىشى ئىنسانىيەتكە قارشى ئىشلەنگەن جىنايەت ھېسابلىنىدۇ» دېدى.
