«<zeytun shéxi> herbiy herikiti tinchliqning zepiri, térrorizmning meghlubiyiti»

jumhur reislik sariyi bayanatchisi ibrahim qalin türkiye armiyesining süriyening afrin rayonida qozghighan «zeytun shéxi» herbiy herikitining tinchliqning zepiri, térrorizmning meghlubiyiti ikenlikini éytti.

936678
«<zeytun shéxi> herbiy herikiti tinchliqning zepiri, térrorizmning meghlubiyiti»

türkiye awazi radiyosi xewiri: qalin «‹ Daily Sabah› géziti» de élan qilinghan maqaliside, 20 – yanwar küni bashlanghan «zeytun shéxi» herbiy herikitining afrin rayonining kontirol astigha élinishi bilen birlikte halqiliq basquchqa qedem qoyghanliqini tekitlep mundaq dédi: «rayonning p k k/p y d/ y p g térrorchiliridin tazilinishi, térrorizmgha qarshi  küreshte mislisiz zeper we süriyening zémin pütünlükini qoghdash yolida tashlanghan muhim bir qedem idi. jümlidin bu heriket hem türkiye xelqining hem rayon xelqining qizghin qollishigha érishken idi. biraq beziler türkiyening bu mislisiz zepiridin, térrorluq teshkilati p k k ning meghlubiyitidin biaramliq hés qilmaqta. bizmu bu sayida, bezi gherb  jemiyetlirining chüshenchiliride chataq barliqini roshen halda körüwalghan bolduq.»

türkiyening bölgünchi térrorluq teshkilati p k k mesilisidiki pozitsiyening qetiylikini tekitligen qalin, bu guruppilarning daéshqa oxshashla térrorluq teshkilati ikenlikini eskertti.

kordlargha wekillik qilidighanliqini ilgiri sürüwatqan marksizmchi – léninizmchi térrorluq teshkilatigha qarshi oxshimighan aldinqi seplerde küresh qiliniwatqanliqini qeyt qilghan qalin, türkiyening daéshqa qarshi kürishining musulmanlargha yaki ereblerge qaritilmighinidek , p k k gha qarshi kürishiningmu kordlargha qaritilghanmighanliqini tekitlidi.

«zeytun shéxi» herbiy herikitining nahayiti téz we mislisiz zeper bilen axirlashqanliqini eskertken qalin, herbiy heriket jeryanida puqralarning ziyangha uchrishishining aldini alghanliqlirini qeyt qildi.

herbiy heriket jeryanida sheherler we yéza – qishlaqlarning ziyangha uchrimighanliqini, insaniy kirizis yüz bermigenlikini éytqan qalin, puqralarning öy – makanlirigha qaytishqa bashlighanliqini bildürdi.

afrin rayonida démografik özgirishlerning otturigha chiqiwatqanlargha alaqidar dewalarni keskin ret qilghan qalin, türkiyening héchqachan démografik özgirishke oxshighan bir ishning parchisi bolmighanliqinimu sözlirige ilawe qildi.



مۇناسىۋەتلىك خەۋەرلەر