afrinda ujuqturulghan térrorchilarning sani 3569 gha yetti

türkiye armiyesining afrin rayonida élip bériwatqan zeytun shéxi herbiy herikiti bashlanghan kündin bügünge qeder ujuqturulghan térrorchilarning sani 3569 gha yetti.

afrinda ujuqturulghan térrorchilarning sani 3569 gha yetti

armiye bash ishtabidin élan qilinghan bayanatta, chégralarning we rayonning bixeterliki hemde muqimliqini qoghdash, afrinda p y d/ y p g/ p k k/ k j k we daésh térrorluq teshkilati ezalirini yoqutush, dost we qérindash xelqni térrorchilarning bésim we zulumliridin qutquzush meqsitide, 20yanwarda bashlanghan zeytun shéxi herbiy herikitining dawamlishiwatqanliqi, heriket bashlanghan kündin bügünge qeder ujuqturulghan térrorchilar sanining 3569 gha yetkenliki bildürüldi.

bu ariliqta türkiye armiyesi we erkin süriye armiyesi qisimliri afrinda yene 3 yézini térrorchilardin qutqazdi.

türkiye armiyesi bilen erkin süriye armiyesi qisimliri afrinning hadi qasimli, eshqansherqiy we astaro yézilirini y p g/ p k k we daésh térrorchliridin tazilidi. afrinning gherbiy shimalidiki mabatli olturaq rayonigha qarashliq kokani we aynel hejer bilen jenuptiki jinderes nahiyesige qarashliq xeltangherbiy we chakilli ejjum yézilirimu y p g/ p k k we daésh térrorchliridin qutquzuldi. shuning bilen mabatli rayoni we afrin nahiye merkizi otturisidiki qatnash yoli késip tashlanghan boldi.

türkiye armiyesi bilen erkin süriye armiyesining heriket jeryanida kontirolluqini alqinigha alghan rayonlarning sani, 224 yéza we 44 istiratégiyelik nuqta bolup, jemiy 268 ge yetti.

afrin nahiye merkizi etrapidiki qorshawni téximu tarlashturush bilen birge, kaferchil rayonining kontirolluqini qoligha élip, nahiye merkizige tewe tashqi mehellilerge yétip bérishqa 600 métir musape qaldi.

afrin؛ nahiye merkizi, raju, bulbul, sheyix hedid, jinderes, sheran we mebatli bolup jemiy 6 rayondin tekshil tapidu. mabatlidin bashqa barliq rayonlar türkiye armiyesi bilen erkin süriye armiyesining kontirolluqigha ötüp boldi.


خەتكۈچ: türkiye armiyesi , afrin

مۇناسىۋەتلىك خەۋەرلەر