мунбич хәлқи районлирида америка вә п к к/ п й д – й п г ниң мәвҗутлуқини халимайду

сүрийәниң мунбич районидики йәрлик хәлқ, ишғалийәтчи террорчиларниң әң чоң қоллиғучиси болған америкиниң райондики мәвҗутлуқини халимайдиғанлиқини билдүрди.

930357
мунбич хәлқи районлирида америка вә п к к/ п й д – й п г ниң мәвҗутлуқини халимайду

түркийә авази радийоси хәвири: түркийә билән америка оттурисидики мунбич музакирилири кечиктүрүлгән бир пәйттә, мунбичниң җамаәт әрбаблири буниңдин кейинки әһваллар һәққидә кәскин байанатларда болди.

район хәлқи: «бөлгүнчи террорлуқ тәшкилати п к к вә униң сүрийәдики гумаштиси п й д й п г билән бирликтә америкилиқларниңму земинимизни ташлап чиқип кетишини халаймиз. ишғалийәтчи америкиниң район хәлқи ичидә һечқандақ етибари йоқ. әгәр мунбичта турушта чиң туривалидиған болса, хәлқ болуш сүпитимиз билән керәклик җавабини беримиз» деди.

америкиниң мунбичта туридиғанлиқи һәққидики сөзлиригә даир йеңи шәпәқ гезитигә байанат бәргән җамаәт әрбаблири, әсәд һөкүмитигә, даешқа вә п к к/ п й д й п г ға қарши күрәштә 4 миңдин артуқ адәмлириниң шеһит болғанлиқини, районға п к к билән бирликтә урунлашқан америкилиқларниң йәнә чоқум п к к билән бирликтә кетиши керәкликини ейтти.

қәбилә рәһбәрлири мунбичниң бихәтәрликини түркийә вә әркин сүрийә армийәсиниң қоғдиши лазимлиқини тәкитлиди.

мунбичниң җамаәт әрбаблири түркийәниң 2016йили 24авғустта башлиған вә 7 ай давамлашқан фират қалқини һәрикитидин кейинки районни тәрәққий қилдуруш пирограммилирини мисал кәлтүрүп, фират қалқини һәрикити модилини халайдиғанлиқини ейтти.

йәнә бир тәрәптин америка армийәсигә қарашлиқ бәзи қисимларниң мунбичниң фират қалқини райониға қарашлиқ йәрлидин чекинишкә башлиди.

райондидики мәнбәләр биронивекларниң һәмраһлиқида түркийә вә әркин сурийә армийәси турушлуқ нол нуқтилардин чекинишкә башлиған америка әскәрлириниң әһвали һәққидә йеңи шәпәқ гезитигә мәлумат бәрди.

буниңдин илгири п к к террорчилири билән бирликтә рәсимләргә чүшкән америкилиқ генералларниң әмдиликтә әскәрлири билән биргә мәзкур райондин чекингәнликини аңлатқан йәрлик мәнбәләр, америка әскәрлириниң курт әл кәбир, уммул җулуд вә сәййадә йезилирини ташлап кетип қилишқанлиқини уқтурди.



مۇناسىۋەتلىك خەۋەرلەر