chawushoghlu: munbichning bixeterlikini amérika bilen türkiye qoghdaydu

dölitimiz tashqi ishlar ministiri mewlüt chawushoghlu, bölgünchi térrorluq teshkilati p k k ning süriyediki gumashtisi y p g munbichtin chékingendin kéyin, u yerning xewpsizlikini türkiye bilen amérika qoshma ishtatlirining qoghdaydighanliqini éytti.

chawushoghlu: munbichning bixeterlikini amérika bilen türkiye qoghdaydu

türkiye awazi radiyosi xewiri: moskwada dölet ishliri ziyaritide boluwatqan mewlüt chawushoghlu, amérikiliq mensepdéshi réks tillérson bilen 19 – martta washingtonda ötküzülidighan uchrishishida, munbichqa alaqidar mesililerning roshenlishidighanliqini qeyt qildi.

«y p g bar jaylarning muqimliqi qandaq kapaletke ige qilinidu? kimning bashquridighanliqini qandaq békitimiz?» dégen chawushoghlu, asasiy pirinsipning nopus nisbitige qarap bashqurush salahiyiti bérish bolushi kéreklikini eskertti.

y p g ning héchbir shekilde bu musapidin orun almaydighanliqini tekitligen chawushoghlu, «y p g munbichtin chékingendin kéyin, u yerde türkiye we amérika eskiri bolidu. y p g ning chékinish jeryanini nazaret qilimiz. bu yerning bixeterlikini kim kapaletke ige qilidu؛ amérika qoshma ishtatliri we türkiye. aldi bilen bu modélni munbichte yolgha qoyimiz, arqidin bashqa jaylargha yötkeymiz. bu raqqe üchün, firat deryasining sherqiy üchünmu, y p g ning kontrolluqi astidiki jaylar üchünmu küchke ige» dédi.

mushu xil usul bilen bu rayonlarning bixeterlikining kapaletke ige qilinidighanliqini we barliq qedemlerning waqit jedwilige asasen tashlinidighanliqini tekitligen chawushoghlu sözini dawamlashturup, «19 – marttiki yighinda yol xeritisi waqti qatarliqlar bilen birlikte roshenlishidu. qanchilik waqitta némiler yolgha qoyulidu, bashqa terepke qandaq ötülidu, bulargha munasiwetlik waqit jedwili mueyyenlishidu. axirqi yighinda elwette perqliq oylaydighan ishlirimiz chiqqan bolushi mumkin, emma, chüshinish hasil qilishqa qarap méngiliwatidu» dédi.

nöwette suriye hakimiyitining munbich toghrisida héchqandaq bir telepni otturigha qoymighanliqini bildürgen mewlüt chawushoghlu, amérika qoshma ishtatliri teripidin y p g gha bérilgen qorallarning qayturuwélinish musapisinimu nazaret qilidighanliqlirini eskertti we «hemmisini alalmaydighanliqimizni bilimiz. beziliri kemmish, beziliri yoq. lékin biz, bu qorallarni buningdin ilgiri amérika pirézidéntining déginidek <alimiz> déyishiwatidu. buni xizmet guruppisi ishqa chüshkende körimiz» dégenlerni sözlirige ilawe qildi.



مۇناسىۋەتلىك خەۋەرلەر