erdoghan bilen binali yildirim ayallar bayrimini tebriklidi

jumhur reis rejep tayyip erdoghan, jinsiy ayrimchiliq asasidiki barliq pozitsiyelerge qarshi ikenlikini éytti.

erdogan yeşil ay.png

türkiye awazi radiyosi xewiri: erdoghan 8mart xelqara ayallar bayrimi munasiwiti bilen tebrikname élan qildi.

erdoghan ailidin bashlinip, hayatning barliq saheliride söygüsi, emgekliri we pidakarliqliri bilen dunyagha güzellik bexsh étiwatqan ayallarning xelqaraliq bayrimini tebrikleydighanliqini, shundaqla qurulghan döletning xémirini yughurghan, azadliq urushining körünmes qehrimanliri hésablinidighan, jumhuriyet mezgilide döltimiz bésip ötken musapilerge  zor töhpilerni qoshqan, musteqilliqimiz we istiqbalimizgha qarita her türlük tehditlerge qarshi eng aldinqi seplerde küresh qilghan ayallarning bügünki kündimu kelgüsining qurulushida muhim rol oynashni dawamlashturuwatqanliqini bildürdi.

erdoghan: «ayallar bilen erlerni oxshash birla médalning ikki yüzi dep qaraydighan bir medeniyetning mensupliri bolghan bizler, jinsiy ayrimchiliq asasidiki barliq pozitsiyelerge qarshi turimiz» dédi hemde insanning ghururigha étibarsiz qaraydighan we yüz bergen nurghunlighan azabliq weqelerning sewebchisi bolghan, azghun pikirlerge qarshi küreshni axirighiche dawamlashturushta qetiy iradige ige ikenliklirini tekitlidi. 

erdoghan jinsiy ayrimchiliq asasidiki qarashlarning hergizmu qimmet qarashlirigha, tarixqa we ijtimaiy turmushning dinamiklirigha mas kelmeydighanliqini tekitlidi. mesilining heq we adalet asasidiki ang bilen hel qilinishi üchün barliq xelqning birdek tirishichanliq körsitishi kéreklikini jékilidi.

bash ministir binali yildirimmu 8mart ayallar bayrimi munasiwiti bilen élan qilghan tebriknamisida, söygü, pidakarliq we ümidning misali bolghan barliq ayallarning bayrimini tebrikleydighanliqini bildürdi.

binali yildirim ayallarning jemiyette heqliq bolghan qedir qimmitige ige bolalishi, medeniyetlik bir jemiyetning eng asasliq wezipiliridin birsi ikenlikini tekitlep, ayallarning barawer imkaniyetni asas qilghan heq hoquq we erkinliklirige ige qilinishi, pütün dunyaning ortaq meslisi ikenlikini éytti.

binali yildirim: «öyde yaki ish ornida qimmet yaritiwatqan, bilim, sanaet, maarip, kültür, senet we tenterbiyege oxshash her qaysi sahelerde paaliyet qiliwatqan barliq ayallirimiz, dölitimiz üchün katta utuqlarni qolgha keltürmekte» dédi.

binali yildirim ayallargha qaritilghan ayrimchiliq we zorawanliqning pütünley yoqitilishi üchün pütün küchi bilen xizmet qiliwatqanliqini hemde bu mesilige dair tonushni ashuridighan her türlük tirishchanliqlarni medhiye bilen qarshi éliwatqanliqini bildürdi.

 


خەتكۈچ: erdoghan , bayram , ayallar

مۇناسىۋەتلىك خەۋەرلەر