әрдоған билән бинали йилдирим айаллар байримини тәбриклиди

җумһур рәис рәҗәп таййип әрдоған, җинсий айримчилиқ асасидики барлиқ позитсийәләргә қарши икәнликини ейтти.

erdogan yeşil ay.png

түркийә авази радийоси хәвири: әрдоған 8март хәлқара айаллар байрими мунасивити билән тәбрикнамә елан қилди.

әрдоған аилидин башлинип, һайатниң барлиқ саһәлиридә сөйгүси, әмгәклири вә пидакарлиқлири билән дунйаға гүзәллик бәхш етиватқан айалларниң хәлқаралиқ байримини тәбрикләйдиғанлиқини, шундақла қурулған дөләтниң хемирини йуғурған, азадлиқ урушиниң көрүнмәс қәһриманлири һесаблинидиған, җумһурийәт мәзгилидә дөлтимиз бесип өткән мусапиләргә  зор төһпиләрни қошқан, мустәқиллиқимиз вә истиқбалимизға қарита һәр түрлүк тәһдитләргә қарши әң алдинқи сәпләрдә күрәш қилған айалларниң бүгүнки күндиму кәлгүсиниң қурулушида муһим рол ойнашни давамлаштуруватқанлиқини билдүрди.

әрдоған: «айаллар билән әрләрни охшаш бирла медалниң икки йүзи дәп қарайдиған бир мәдәнийәтниң мәнсуплири болған бизләр, җинсий айримчилиқ асасидики барлиқ позитсийәләргә қарши туримиз» деди һәмдә инсанниң ғуруриға етибарсиз қарайдиған вә йүз бәргән нурғунлиған азаблиқ вәқәләрниң сәвәбчиси болған, азғун пикирләргә қарши күрәшни ахириғичә давамлаштурушта қәтий ирадигә игә икәнликлирини тәкитлиди. 

әрдоған җинсий айримчилиқ асасидики қарашларниң һәргизму қиммәт қарашлириға, тарихқа вә иҗтимаий турмушниң динамиклириға мас кәлмәйдиғанлиқини тәкитлиди. мәсилиниң һәқ вә адаләт асасидики аң билән һәл қилиниши үчүн барлиқ хәлқниң бирдәк тиришичанлиқ көрситиши керәкликини җекилиди.

баш министир бинали йилдиримму 8март айаллар байрими мунасивити билән елан қилған тәбрикнамисида, сөйгү, пидакарлиқ вә үмидниң мисали болған барлиқ айалларниң байримини тәбрикләйдиғанлиқини билдүрди.

бинали йилдирим айалларниң җәмийәттә һәқлиқ болған қәдир қиммитигә игә болалиши, мәдәнийәтлик бир җәмийәтниң әң асаслиқ вәзипилиридин бирси икәнликини тәкитләп, айалларниң баравәр имканийәтни асас қилған һәқ һоқуқ вә әркинликлиригә игә қилиниши, пүтүн дунйаниң ортақ мәслиси икәнликини ейтти.

бинали йилдирим: «өйдә йаки иш орнида қиммәт йаритиватқан, билим, санаәт, маарип, күлтүр, сәнәт вә тәнтәрбийәгә охшаш һәр қайси саһәләрдә паалийәт қиливатқан барлиқ айаллиримиз, дөлитимиз үчүн катта утуқларни қолға кәлтүрмәктә» деди.

бинали йилдирим айалларға қаритилған айримчилиқ вә зораванлиқниң пүтүнләй йоқитилиши үчүн пүтүн күчи билән хизмәт қиливатқанлиқини һәмдә бу мәсилигә даир тонушни ашуридиған һәр түрлүк тиришчанлиқларни мәдһийә билән қарши еливатқанлиқини билдүрди.

 



مۇناسىۋەتلىك خەۋەرلەر