чавушоғлу авистирийәдә

ташқи ишлар министири мәвлүт чавушоғлу авистирийәдә дөләт ишлири зийаритидә болмақта.

чавушоғлу авистирийәдә

түркийә авази радийоси хәвири: германийәдики зийаритини ахирлаштурғандин кейин авистирийәниң пайтәхти вийанаға йетип барған чавушоғлу, бу йәрдә, вийана йунус әмрә иниститутиниң иечилиш мурасимиға иштирак қилди һәмдә мурасимда қилған сөзидә, вийанада 2015 – йилдин етибарән паалийәт елип бериватқан йунус әмрә иниститутиниң хизмәтлирини махтап мундақ деди: «йунус әмрә иниститути түрк мәдәнийәт мәркизиниң рәсмий ечилишини сизләр билән бирликтә ишқа ашуруш пурситигә иершкәнликим үчүн интайин хушалмән. нөвәттә дунйаниң һәрқайси җайлиридики йунус әмрә иниститутлири йаки түрк мәдәнийәт мәркәзлириниң санини техиму көпәйтиш үчүн наһайити зор тиришчанлиқ көрситиватимиз. чүнки, биз йунус әмрә иниститутлирини шу иниститутлар паалийәт елип бериватқан дөләтләр билән  түркийә оттурисидики учур - алақә вә достлуқ көврүки дәп қараймиз.»

чавушоғлу йунус әмрә иниститути мәркәзлирини атақлиқ шаир йунус әмрәниң нәзәрийәси даирисидә дунйави вә йәрлик қиммәтләр оттурисида мунасивәт орнитишниң муһим васитиси дәп қарайдиғанлиқлирини тәкитлиди.

вийана йунус әмрә иниститути тәрипидин авистирийәдә һазирғичә 248 оқуғучиниң түрк тилида тәрбийәләнгәнликидин интайин хурсән икәнликини ейтқан чавушоғлу, иниститутниң түрк тилидики дәрсләрдин сирт йәнә, башқа һәр хил паалийәтлири арқилиқ наһайити зор мувәппәқийәтләрни қолға кәлтүрүватқанлиқини әскәртти һәмдә иниститут хадимлирини тәбриклиди.

у йәнә, вийанаға охшиған мәдәнийәт – сәнәткә бай бир шәһәрдә елип бериливатқан паалийәтләрни маһийәт вә алаһидилик җәһәттин йәниму йүксәк сәвийәгә йәткүзүшниң зөрүрлүкини, вийана йунус әмрә иниститутиниң чоқум бу нишанға йетидиғанлиқиға ишинидиғанлиқиниму сөзлиригә илавә қилди.



مۇناسىۋەتلىك خەۋەرلەر