chawushoghlu: türkiye bilen iraq p k k gha qarshi ortaq herbiy heriket élip baridu

tashqi ishlar ministiri mewlüt chawushoghlu türkiye bilen iraqning bölgünchi térrorluq teshkilati p k k gha qarshi ortaq herbiy heriket élip baridighanliqini bildürdi.

chawushoghlu: türkiye bilen iraq p k k gha qarshi ortaq herbiy heriket élip baridu

türkiye awazi radiyosi xewiri: awistiriyede dölet ishliri ziyaritide boluwatqan chawushoghlu, baghdadning iraqta 12 – may küni ötküzülidighan saylamdin kéyin tashlaydighan qedemliri toghruluq toxtalghanda, mundaq dédi: «türkiye armiyesining süriyening afrin rayonida élip bériwatqan <zeytun shéxi> herbiy herikiti may éyida axirlishidu. iraqtimu bölgünchi térrorluq teshkilati p k k gha qarshi chégra halqighan herbiy heriket élip bérilidu. jümlidin p k k gha qarshi iraq hökümiti bilen ortaq herbiy heriket élip barimiz. afrin herikiti axirlashmighan teqdirdimu hem süriyede hem iraqta birla waqitta herbiy heriket élip bérishqa küchimiz yétidu.»

u yene, bölgünchi térrorluq teshkilati p y d/p k k ning atalmish teng hoquqluq reisi salih muslimning shiwétsiyede ikenlikini, türkiyening shiwétsiyedin uni waqitliq tutqun qilishini telep qilghanliqinimu sözlirige ilawe qildi.



مۇناسىۋەتلىك خەۋەرلەر