чавушоғлу: түркийә билән ирақ п к к ға қарши ортақ һәрбий һәрикәт елип бариду

ташқи ишлар министири мәвлүт чавушоғлу түркийә билән ирақниң бөлгүнчи террорлуқ тәшкилати п к к ға қарши ортақ һәрбий һәрикәт елип баридиғанлиқини билдүрди.

чавушоғлу: түркийә билән ирақ п к к ға қарши ортақ һәрбий һәрикәт елип бариду

түркийә авази радийоси хәвири: авистирийәдә дөләт ишлири зийаритидә болуватқан чавушоғлу, бағдадниң ирақта 12 – май күни өткүзүлидиған сайламдин кейин ташлайдиған қәдәмлири тоғрулуқ тохталғанда, мундақ деди: «түркийә армийәсиниң сүрийәниң африн районида елип бериватқан <зәйтун шехи> һәрбий һәрикити май ейида ахирлишиду. ирақтиму бөлгүнчи террорлуқ тәшкилати п к к ға қарши чегра һалқиған һәрбий һәрикәт елип берилиду. җүмлидин п к к ға қарши ирақ һөкүмити билән ортақ һәрбий һәрикәт елип баримиз. африн һәрикити ахирлашмиған тәқдирдиму һәм сүрийәдә һәм ирақта бирла вақитта һәрбий һәрикәт елип беришқа күчимиз йетиду.»

у йәнә, бөлгүнчи террорлуқ тәшкилати п й д/п к к ниң аталмиш тәң һоқуқлуқ рәиси салиһ муслимниң шиветсийәдә икәнликини, түркийәниң шиветсийәдин уни вақитлиқ тутқун қилишини тәләп қилғанлиқиниму сөзлиригә илавә қилди.



مۇناسىۋەتلىك خەۋەرلەر