türkiyening daishqa qarshi küreshliri jeryanida némiler boldi?

türkiyening yéqinqi bir qanche yildin buyan dölet ichide élip barghan daishqa qarshi küreshlirining tepsilati élan qilindi.

türkiyening daishqa qarshi küreshliri jeryanida némiler boldi?

 

türkiye awazi radiyosi xewiri: türkiye ministirlar kéngishining qarari bilen daéshni «térrorluq teshkilati» dep qobul qilghandin  buyn ulargha qarshi küreshlirini üzlüksiz dawamlashturmaqta. 

daésh türkiyede yéqinqi bir qanche yil ichide jemiy 14 qétim chong tiptiki térrorluq hujumi élip bardi.  bu  hujumlarda 10 neper saqchi we 1 esker bilen qoshulup, jemiy 304 kishi hayatidin ayrildi.

daéshning hujumliri sewebidin 62 neper saqchi we 7 eskerni qoshqanda jemiy 1338 kishi yaridar boldi.

bu qanliq teshkilatqa qarshi küresh xizmetliri jeryanida, aldinqi yili 3840 chet ellik bilen qoshqanda, jemiy 9350 chet ellik térrorchi nazaretke élindi. 1337 chetellikni qoshqanda jemiy 3069 térrorchi qolgha élindi.

bu teshkilatqa yardem qilishni nishan qilghan 12 jemiyet pichetlendi. 2564 ijtimaiy taratqu hésabi taqiwétildi.

33 sheherde 66 xewp analiz etriti quruldi. bu etretler 17 ming 500 gumanliq chet ellik üstide tekshüürsh élip bardi we bulardin 4550 kishi chégradin qoghlap chiqirildi. 

tuqunush rayonigha bérishqa urunghan 99 dölettin jemiy 4957 kishi nazaretke élinip, chégradin qoghlap chiqirildi.

146 dölettin 53 ming 781 kishige türkiye kirish cheklimisi qoyuldi.

köchüsh dolqunini tosup qélish tedbirliri arqiliq chet ellik térrorchilarning ötüsh yollirimu késip tashlandi.  

2015yili mart éyidin ilgiri girétsiye arallirigha ketken tertipsiz köchmenler sani eslidiki 7000 kishidin 40 kishige chüshti.

yolgha qoyolghan qattiq tedbirler we istixbaratlar sayisida 2016yilidila 22 qétimliq chong tiptiki térrorluq hujumi tosup qilindi


خەتكۈچ: térrorluq , türkiye , daésh

مۇناسىۋەتلىك خەۋەرلەر