yildirim girétsiye bash ministiri bilen téléfonda körüshti

bash ministir binali yildirim girétsiye bash ministiri aléksis chipras bilen téléfonda körüshti.

yildirim girétsiye bash ministiri bilen téléfonda körüshti

türkiye awazi radiyosi xewiri: téléfon uchrishishida, yildirim chiprasqa girétsiyening ege déngizida sürkilishni azaytish üchün kéreklik tedbirlerni élishi lazimliqini tekitlep mundaq dédi: «yéqindin buyan otturigha chiqiwatqan sürkilish bizni qattiq renjitiwatidu. girétsiye ege déngizida sürkilishni azaytish ch kéreklik tedbirlerni élishi kérek.»

bu heqte zörür tépilghanda her ikki terepning aliy derijilik herbiy dairilirining söhbet élip bérishining paydiliq bolidighanliqi toghruluq ortaq tonush hasil qilinghan we yaxshi keypiyat ichide ötken téléfon uchrishishida, saqliniwatqan mesililerni diyalog arqiliq hel qilishqa ehmiyet bérsh we bixeterlik tedbirlirini kücheytishning zörürlüki tekitlendi.

bash ministir  yildirim dölet ishliri ziyaritide bolush üchün bélarusiyege qarap yolgha chiqish aldidimu muxbirlarning soallirigha jawab bergende: «chiprasqa sürkilishlerdin yiraq turushning her ikki dölet üchünmu paydiliq ikenlikini ochuq - ashkara halda bildürduq. derweqe, ege déngizi dostluq déngizi bolushi lazim» dédi.

u yene, girétsiye we türkiye bash ishtab bashliqlirining nato dairiside bélgiyening paytexti biryussélda bir yerge jem bolidighanliqinimu sözlirige ilawe qildi.



مۇناسىۋەتلىك خەۋەرلەر