йилдирим гиретсийә баш министири билән телефонда көрүшти

баш министир бинали йилдирим гиретсийә баш министири алексис чипрас билән телефонда көрүшти.

йилдирим гиретсийә баш министири билән телефонда көрүшти

түркийә авази радийоси хәвири: телефон учришишида, йилдирим чипрасқа гиретсийәниң әгә деңизида сүркилишни азайтиш үчүн керәклик тәдбирләрни елиши лазимлиқини тәкитләп мундақ деди: «йеқиндин буйан оттуриға чиқиватқан сүркилиш бизни қаттиқ рәнҗитиватиду. гиретсийә әгә деңизида сүркилишни азайтиш ч керәклик тәдбирләрни елиши керәк.»

бу һәқтә зөрүр тепилғанда һәр икки тәрәпниң алий дәриҗилик һәрбий даирилириниң сөһбәт елип беришиниң пайдилиқ болидиғанлиқи тоғрулуқ ортақ тонуш һасил қилинған вә йахши кәйпийат ичидә өткән телефон учришишида, сақлиниватқан мәсилиләрни дийалог арқилиқ һәл қилишқа әһмийәт берш вә бихәтәрлик тәдбирлирини күчәйтишниң зөрүрлүки тәкитләнди.

баш министир  йилдирим дөләт ишлири зийаритидә болуш үчүн беларусийәгә қарап йолға чиқиш алдидиму мухбирларниң соаллириға җаваб бәргәндә: «чипрасқа сүркилишләрдин йирақ турушниң һәр икки дөләт үчүнму пайдилиқ икәнликини очуқ - ашкара һалда билдүрдуқ. дәрвәқә, әгә деңизи достлуқ деңизи болуши лазим» деди.

у йәнә, гиретсийә вә түркийә баш иштаб башлиқлириниң нато даирисидә белгийәниң пайтәхти бирйусселда бир йәргә җәм болидиғанлиқиниму сөзлиригә илавә қилди.



مۇناسىۋەتلىك خەۋەرلەر