enqere: ege déngizidiki türkiye - girétsiye sürkilishi her ikki terepke paydisiz

enqere, ege déngizidiki girétsiye - türkiye sürkilishining her ikki terepke paydisiz ikenlikini bildürdi.

enqere: ege déngizidiki türkiye - girétsiye sürkilishi her ikki terepke paydisiz

türkiye awazi radiyosi xewiri: türkiye jumhuriyiti tashqi ishlar ministirliqi bayanatchisi hami aqsoy, kardak qiyaliqliri etrapida yüz bergen jiddiychiliktin kéyin bayanat bérip, «ministirliqimiz meslihetchisi, girétsiye tashqi ishlar ministirliqi bash katipigha téléfon qilip, egediki sürkilishning ulghiyip kétishining her ikki döletke paydiliq emeslikini, girétsiye terepning bu xeterlik heriketlirige xatime bérishi kéreklikini roshen ipadilep ötti» dédi.

aqsoy, girétsiye tashqi ishlar ministirliqi teripidin élan qilinghan bayanatqa alaqidar bir soalgha yazma shekilde jawab qayturup, «girétsiye tashqi ishlar ministirliqi teripidin 13 – féwralda élan qilinghan bayanatta, kardak qiyaliqliri etrapida yüz bergen xeterlik hadise toghrisida girétsiye tashqi ishlar ministirliqi bash katipining ministirliqimiz meslihetchisige «küchlük naraziliqini bildürgenliki» ilgiri sürülmekte. epsuski, girétsiye terep bu bayanat arqiliq hem biz könüp ketken shekilde öz xelqini qaymuqturmaqta hem her daimqigha oxshashla emeliyetni burmilimaqta.

emeliyette, ministirliqimiz meslihetchisi dölitimizge tewe kardak qiyaliqliri etrapida tünügün kéche girétsiye déngiz qirghiqi mudapie etriti kémilirining xeterlik rewishte heriket qilishi keltürüp chiqarghan weqeler toghrisida girétsiye tashqi ishlar ministirliqi bash katipigha téléfon élip, girétsiye qoralliq küchlirining reqiblerche heriketlirining hawa we déngizda dawamlishiwatqanliqini, bulargha yol qoymaydighanliqimizni, egediki yirikchilikning ulghiyip kétishining her ikki dölet üchün paydiliq emeslikini, girétsiye terepning bu xeterlik heriketlirige xatime bérishi kéreklikini roshen shekilde otturigha qoydi» dégenlerni qeyt qildi.



مۇناسىۋەتلىك خەۋەرلەر