әнқәрә: әгә деңизидики түркийә - гиретсийә сүркилиши һәр икки тәрәпкә пайдисиз

әнқәрә, әгә деңизидики гиретсийә - түркийә сүркилишиниң һәр икки тәрәпкә пайдисиз икәнликини билдүрди.

әнқәрә: әгә деңизидики түркийә - гиретсийә сүркилиши һәр икки тәрәпкә пайдисиз

түркийә авази радийоси хәвири: түркийә җумһурийити ташқи ишлар министирлиқи байанатчиси һами ақсой, кардак қийалиқлири әтрапида йүз бәргән җиддийчиликтин кейин байанат берип, «министирлиқимиз мәслиһәтчиси, гиретсийә ташқи ишлар министирлиқи баш катипиға телефон қилип, әгәдики сүркилишниң улғийип кетишиниң һәр икки дөләткә пайдилиқ әмәсликини, гиретсийә тәрәпниң бу хәтәрлик һәрикәтлиригә хатимә бериши керәкликини рошән ипадиләп өтти» деди.

ақсой, гиретсийә ташқи ишлар министирлиқи тәрипидин елан қилинған байанатқа алақидар бир соалға йазма шәкилдә җаваб қайтуруп, «гиретсийә ташқи ишлар министирлиқи тәрипидин 13 – февралда елан қилинған байанатта, кардак қийалиқлири әтрапида йүз бәргән хәтәрлик һадисә тоғрисида гиретсийә ташқи ишлар министирлиқи баш катипиниң министирлиқимиз мәслиһәтчисигә «күчлүк наразилиқини билдүргәнлики» илгири сүрүлмәктә. әпсуски, гиретсийә тәрәп бу байанат арқилиқ һәм биз көнүп кәткән шәкилдә өз хәлқини қаймуқтурмақта һәм һәр даимқиға охшашла әмәлийәтни бурмилимақта.

әмәлийәттә, министирлиқимиз мәслиһәтчиси дөлитимизгә тәвә кардак қийалиқлири әтрапида түнүгүн кечә гиретсийә деңиз қирғиқи мудапиә әтрити кемилириниң хәтәрлик рәвиштә һәрикәт қилиши кәлтүрүп чиқарған вәқәләр тоғрисида гиретсийә ташқи ишлар министирлиқи баш катипиға телефон елип, гиретсийә қораллиқ күчлириниң рәқибләрчә һәрикәтлириниң һава вә деңизда давамлишиватқанлиқини, буларға йол қоймайдиғанлиқимизни, әгәдики йирикчиликниң улғийип кетишиниң һәр икки дөләт үчүн пайдилиқ әмәсликини, гиретсийә тәрәпниң бу хәтәрлик һәрикәтлиригә хатимә бериши керәкликини рошән шәкилдә оттуриға қойди» дегәнләрни қәйт қилди.



مۇناسىۋەتلىك خەۋەرلەر