türkiye armiyesi térrorchilarning nishanlirini bitchit qiliwetti

türkiye armiyesi iraqning shimalida élip barghan hawa hujumliri arqiliq térrorchilar panah jay, istéhkam we qoral - yaragh iskilatliri süpitide ishletken 8 nishanni yer bilen yeksan qiliwetti.

türkiye armiyesi térrorchilarning nishanlirini bitchit qiliwetti

türkiye awazi radiyosi xewiri: bash ishtab bashqarmisining bildürüshiche, iraqning shimalidiki bölgünchi térrorluq teshkilati p k k gha ait nishanlargha dawamliq zerbe bériliwatqan bolup, bu dairide iraqning shimalidiki sinas – haftanin metina, gara, awashin we basyan rayonlirida charlash we köztish wasitiliri arqiliq saqchixanilar we herbiy bazilargha hujum qilishqa teyyarliniwatqanliqi éniqlap chiqilghan bölgünchi térrorluq teshkilati unsurlirigha qarshi hawa hujumliri élip bérilghan, bu jeryanda térrorchilar panah jay, istéhkam we qoral - yaragh iskilatliri süpitide ishletken 8 nishan yer bilen yeksan qiliwétilgen.

hawa hujumlirigha qatnashqan urush ayropilanliri wezipilirini muweppeqiyetlik tamamlighandin kéyin bixeter halda bazilirigha qaytqan.

türkiye armiyesi aldinqi künimu iraqning shimalidiki sinas – haftanin rayonida hujumgha ötüshke teyyarliniwatqanliqi éniqlap chiqilghan bölgünchi térrorluq teshkilati unsurlirigha qarshi hawa hujumliri élip bérip, térrorchilar panah jay, istéhkam we qoral - yaragh iskilatliri süpitide ishletken 16 nishanni yer bilen yeksan qiliwetken idi.



مۇناسىۋەتلىك خەۋەرلەر