әрдоған гиретсийә билән җәнубий қибрисни қаттиқ агаһландурди

җумһур рәис рәҗәп таййип әрдоған җәнубий қибрис рум һакимийити билән гиретсийәни қаттиқ агаһландурди.

әрдоған гиретсийә билән җәнубий қибрисни қаттиқ агаһландурди

түркийә авази радийоси хәвири: җумһур рәис, адаләт вә тәрәққийат партийәси рәһбири рәҗәп таййип әрдоған партийәсиниң түркийә бүйүк милләт мәҗлисидики гуруппа йиғинида қилған сөзидә,  җәнубий қибрис рум һакимийитиниң ақдеңизда өз алдиға тәбиий газ қидирип тәкшүрүш паалийәтлиригә, гиретсийәниң әгә деңизидики дәпсәндичиликлиригә қаттиқ наразилиқ билдүрүп һәм агаһландуруш берип: «һәддиңлардин ашмаңлар» деди.

әрдоған җәнубий қибрис рум һакимийитиниң шәрқий ақдеңизда шималий қибрис түрк җумһурийитиниң һәқ – һоқуқлирини дәпсәндә қилип өз алдиға тәбиий газ қидирип тәкшүрүш паалийәтлиригә, гиретсийәниң йеқиндин буйан әгә деңизидики қийалиқларға алақидар дәпсәндичиликлиригә қаттиқ наразилиқ билдүрүп мундақ деди: «башқилар өзлириниң қибрис деңиз тәвәликидә тәбиий газ қидирип тәкшүрүш паалийәтлири вә әгә деңизидики қийалиқларға алақидар пурсәттин пайдилиниш тәшәббуслирини диққитимиздин қачиду дәп ойлап қалмисун. мәйли қибриста болсун, мәйли әгә деңизида болсун, һәддидин ашқанларни чотни хата соқмаслиқи тоғрулуқ бу йәрдин агаһландуримиз. түркийә тарихтин буйан изчил давамлишип кәлгән, келишимләр вә хәлқара қанунға саслинидиған һәқ – һоқуқлирини адаққичә җан тикип қоғдайду.»

түркийә армийәсиниң сүрийәниң африн районида давамлаштуруватқан «зәйтун шехи» һәрбий һәрикити тоғрилиқму тохталған әрдоған мундақ дәп көрсәтти: «бизниң сүрийәдики, африн районидики һәқ – һоқуқлиримизни қоғдаш қандақ муһим болса, әгә деңизидики вә қибристики һәқ – һоқуқлиримизни қоғдашму шундақ муһимдур.»

райондики өзгиришләрни йеқиндин көзитиватқанлиқлирини әскәрткән әрдоған сөзлиригә мунуларни илавә қилди: «уруш парахотлиримиз, һава армийәмиз зөрүр тепилғанда һәр түрлүк мудахилә қилиш үчүн вәзийәтни йеқиндин көзәтмәктә.»



مۇناسىۋەتلىك خەۋەرلەر