чавушоғлу: түркийә америкиға қариғанда техиму бихәтәр...

америкида зийарәттә болуватқан түркийә җумһурийити ташқи ишлар министири мәвлүт чавушоғлу, түркийәниң америка қошма иштатлириға қариғанда техиму бихәтәр бир дөләт икәнликини ейтти.

чавушоғлу: түркийә америкиға қариғанда техиму бихәтәр...

түркийә авази радийоси хәвири: мәвлүт чавушоғлу, америкиниң түркийәгә қаратқан сайаһәт агаһландуруши тоғрисидики позитсийәсигә «иттипақдаш бир дөләткә йарашмайдиған позитсийә» дәп берип, «енергийәмизни бу ишларға сәрп қилмаслиқимиз лазим» деди.

чавушоғлу, америка қошма иштатлириниң сайаһәт агаһландурушидин кейин түркийәниңму сайаһәт агаһландуруши чиқарғанлиқини хатириләткән һалда, «америкидики күнлүк вәқәләр вә һуҗумларға қариғинимизда, түркийәниң америка қошма иштатлириға қариғанда техиму бихәтәр бир дөләт икәнликини көрүп йетимиз» деди.

түркийәниң 2017 – йили америкилиқларни өз ичигә алған 32 милйон сайаһәтчини күтүвалғанлиқини, бу сайаһәтчиләрниң толуқ хатирҗәмлик ичидә дөләтлиригә қайтқанлиқини тәкитлигән чавушоғлу, «бу йилму америкидин сайаһәтчи болуп беришни халайдиғанлар санида көрүнәрлик ешиш бар. орун айритиватқанларниму көрүватимиз. буни тохтатмақчи болдиму немә, уни чүшинәлмидуқ, әмма, тиллерсон билән көрүшимиз» дегәнләрни қәйт қилди.



مۇناسىۋەتلىك خەۋەرلەر