әрдоған тунис рәһбәрлири билән телефонда көрүшти

җумһур рәис рәҗәп таййип әрдоған тунис пирезиденти әлбаҗи қаид әссибси вә баш министири йүсүф шаһид билән телефонда көрүшти.

әрдоған тунис рәһбәрлири билән телефонда көрүшти

түркийә авази радийоси хәвири: телефон учришишлирида, икки тәрәп мунасивәтлиридин сирт йәнә, туниста пул пахаллиқи сәвәбидин башланған наразилиқ намайишлири һәққидә музакирә елип берилди һәмдә түркийә – тунис мунасивәтлирини һәр җәһәттин техиму тәрәққий қилдурушниң зөрүрлүки тәкитләнди.

әрдоған тунисниң қийин өткәлдин бирлик вә баравәрлик асида өтәләйдиғанлиқиға ишинидиғанлиқини әскәртти.

туниста алдинқи айда зийарәттә болғанда өзини һәм һәмраһлиқидики һәйәтни қизғин күтүвалғанлиқи үчүн тунис рәһбәрлиригә чоңқур рәһмәт ейтқан әрдоған, тунисниң «йасимин инқилаби» дин кейин демократик һакимийәт түзүлмисигә өтүш басқучи җәрйанида қолға кәлтүргән мувәппәқийәтлириниң зийанға учримаслиқиниң наһайити зор әһмийәткә игә икәнликини тәкитлиди.



مۇناسىۋەتلىك خەۋەرلەر