türkiye amérikigha sayahetke baridighan puqralirini agahlandurdi

türkiye tashqi ishlar ministirliqi amérikigha sayahetke baridighan türkiye puqralirini bu dölette yüz bériwatqan térrorluq we zorawanliq weqeliri hem qalaymiqan tutqun qilish qilmishliri tüpeyli agahlandurdi.

türkiye amérikigha sayahetke baridighan puqralirini agahlandurdi

türkiye awazi radiyosi xewiri: ministirliq teripidin bu heqte élan qilinghan bayanatta, amérikida yüz bériwatqan térrorluq hujumliri we zorawanliq weqelirining yéqindin buyan barghanséri ewj élip kétiwatqanliqi, bomba yaki qoralliq hujumlardin sirt yene, aptomobillarni insanlarning üstige heydesh arqiliq élip bériliwatqan hujumlar, sheher merkezliri, medeniy köngül échish sorunliri, métro béketliri, dölet binaliri, ibadetxanilar hetta mektep qorulirining hujum nishanigha aylinip qalghanliqi tekitlinip mundaq déyildi: «amérikida dölet ishliri ziyaritide bolghan dölet memurlirimiznimu öz ichige alghan pütkül puqralirimiz kelse – kelmes menbelerning bayanlirigha asasen qalaymiqan tutqun qilinish xewpige duch kelmekte. puqralirimiz üstidin turghuzulghan dawalarda fethullahchi térrorluq teshkilati unsurliridin teshkil tapqan shahitlarning aldin pilanlanghan delil – ispatsiz ighwaliri we töhmetlirige asaslinip puqralirimiz üstidin xalinghanche höküm chiqirilmaqta.»



مۇناسىۋەتلىك خەۋەرلەر