америкилиқ мәслиһәтчиниң асассиз сөзлиригә түркийәдин җаваб

америка дөләт бихәтәрлик ишлири мәслиһәтчиси мик мастерниң түркийәни әйиблигән асассиз сөзлиригә тегишлик җаваб кечикмиди.

америкилиқ мәслиһәтчиниң асассиз сөзлиригә түркийәдин җаваб

түркийә авази радийоси хәвири: түркийә америкилиқ мәслиһәтчиниң сөзлириниң һәйран қаларлиқ, асасиз вә қәтий қобул қилғили болмайдиған қуруқ гәп икәнликини елан қилди.

түркийә ташқи ишлар министирлиқидин елан қилинған йазма байанатта, «америка дөләт бихәтәрлик ишлири мәслиһәтчиси һ. р. мик мастерниң бир тәтқиқат оргини тәрипидин түнүгүн (12 – декабир) вашингтонда өткүзүлгән йиғиндики сөзлиридә, дөлитимизгә вә һөкүмитимизгә һуҗум қилиш характерлиқ ипадиләрни ишләткәнликидин әпсусланған һалда хәвәр таптуқ. дөлитимизниң террорлуқ вә радикаллиқниң барлиқ түрлири билән қандақ күрәш қилғанлиқини әң йахши билиши керәк болған бир орундики әмәлдар- америка дөләтлик бихәтәрлик ишлири мәслиһәтчиси мик мастерниң һәқиқәт билән қилчә алақиси болмиған гәплири толиму һәйран қаларлиқ, асассиз вә қәтий қобул қилғили болмайдиған характердики сөзләрдур» дейилди. 

мик мастерниң һәқиқәт билән қилчә мунасивити болмиған сөзлиригә, «һәйран қаларлиқ, асассиз вә қәтий қобул қилғи болмайдиған сөз» дәп баһа берилгән байанатта йәнә: «биз дост, иттипақдаш дәп қараватқан америкиниң дөлитимизгиму охшаш позитсийәдә болушини вә мәйли қандақла сүпәт билән болмисун, бөлгүнчи террорлуқ тәшкилати п к к ниң гумаштиси й п г ға охшаш террорлуқ тәшкилатлирини қоллашни тохтитип, әнәниви иттипақдашлиқ мунасивәтлиримизгә вә хәлқара қанунларға мас һалда дөлитимиз қәтий ирадә билән давамлаштуриватқан террорлуққа қарши вә радикализмға қарши күрәшлиригә техиму конкрет вә үнүмлүк қоллашларда болушини күтмәктимиз» дейилди.

мик мастер мәзкур нутуқида, түркийәниң радикал идеологийәләрни қоллиғанлиқини илгири сүргән иди.



مۇناسىۋەتلىك خەۋەرلەر