түркийәдә иқамәт алған чәт әлликләрниң сани ашмақта

түркийә авази радийоси хәвири: тәхминән 590 миң чәт әллик түркийәни өз өйи орнида таллиди.

түркийә ички ишлар министирлиқи көчмәнләр идариси мудирлиқиниң санлиқ мәлуматлириға асасланғанда, йеқинқи 13 йил ичидә түркийәдә иқамәт гуваһнамиси билән туруватқан чәт әлликләрниң сани 589 миң 473 йәткән.

түркийә 2005 – йили 178 миң 964 чәт әлликкә иқамәт гуваһнамиси бәргән болуп, бу сан алдинқи йилиниң ахириға кәлгәндә 461 мң 217 кишигә өрлигән.

бу йил 7 – декабирдики сан бойичә болғанда, 128 миң 256 чәтәлликкә түркийәдә туруш иқамәт гуваһнамиси берилгән. шундақ қилип 13 йил ичидә түркийәдә иқамәт гуваһнамиси берилгән чәт әлликләрниң сани 589 миң 473 кишигә йәткән.

чәт әлликләргә әң көп иқамәт берилгән вилайәтләр арисида, 290 миң 509 киши билән истанбул биринчи, 51 миң 705 киши билән әнқәрә иккинчи вә 49 миң 677 киши билән анталйа үчинҗи болди.

2005 – йилидин 2016 – йилиғичә болған җәрйанда иқамәт гуваһнаси алған чәт әлликләрдин  55 миң  983 кишиниң ирақ пуқраси, 48 миң 738 кишиниң сүрийә пуқраси, 39 миң 184 киши әзәрбәйҗан пуқраси, 24 миң 253 кишиниң түркмәнистан пуқраси вә 21 миң 6 кишиниң русийә пуқраси икәнлики билдүрүлди.

чәт әлликләр вә хәлқара қоғдаш қануниға бинаән түркийәдә туруши үчүн берилгән иқамәт гуваһнамиси, мәзкур чәт әлликни түркийәдә бәлгиләнгән муддәткичә, муәййән бирәр йәрдә йашаш һоқуқиға игә қилиду.

түркийәдә чәт әлликләргә берилидиған иқамәтләр؛ қисқа муддәтлик, аилә, оқуғучи, узун муддәтлик, инсаний иқамәт вә адәм әткәсчилириниң қурбанлириға берилидиған иқамәт қатарлиқ түрләргә бөлүниду.