erdoghan: amérikining türkiyediki bezi konsulxanilirida «jasuslar» bar.

jumhur reis rejep tayyip erdoghan amérikining türkiyediki bezi konsulxanilirida «jasuslar» ning barliqini éytti.

erdoghan: amérikining türkiyediki bezi konsulxanilirida «jasuslar» bar.

türkiye awazi radiyosi xewiri: erdoghan sérbiyediki ziyaritidin qaytishida küntertipke munasiwetlik mesililer heqqide toxtalghanda, ikki dölet otturisidiki wiza kirizisining jawabkarining amérika qoshma ishtatlirining enqere bash elchisi jon bas ikenlikini, amérikining türkiyediki bezi konsulxanilirida jasuslarning barliqini tekitlep mundaq dédi: «amérikining bezi konsulxanilirida fethullahchi térrorluq teshkilati ezasi bolghan jasuslar bar bolup, ular diplomat emes, eksiche jasustur. bundaq jasuslar enqeredimu bar. bu jasuslarning amérika dölet mejlisi bilenmu qoyuq alaqisi bar. bularning hemmisi köz yumghili bolmaydighan heqiqet bolup, bu hemmige besh qoldek ayan. derweqe, fethullahchi térrorluq teshkilatining kattibéshi bolghan bash jasusmu pénsilwaniyede yashimaqta.»

amérika tashqi ishlar ministiri réks tillirsunning türkiye tashqi ishlar ministiri mewlüt chawushoghlugha wiza kirizisini hel qilish üchün komitét teshkil qilish teklipi sunghanliqini eskertken erdoghan, buninggha munasiwetlik pilan layihesining ewetilishini kütüwatqanliqlirini tekitlidi hemde türkiyening rusiyedin «s – 400» tipliq bashqurulidighan bomba mudapie sistémisi élishqa alaqidar soalgha jawab bergende mundaq dédi: «bu heqte héchqandaq qiyin ötkel yoq. deslepki qedemde ortaq ishlepchiqirish pilanimiz yoq. xudayim buyrusa, ikkinchi basquchtin étibaren bashqurulidighan bomba mudapie sistémilirini ortaq ishlepchiqirishqa bashlaymiz. pirézidént putin bilen élip barghan uchrishishlirimizda ishni <s – 400> tipliq bashqurulidighan bomba mudapie sistémiliri bilenla tamamlash pilanimiz yoq. chünki uchrishishlirimizda, <s – 500> tipliq bashqurulidighan bomba mudapie sistémiliri toghruluq söhbet élip barduq.»



مۇناسىۋەتلىك خەۋەرلەر